Stroperresies
2024
VIDEO: Case IH 6150 Axial Flow-stroper
Kobus vertel meer oor die spesifikasies en unieke kenmerke van die Case IH se 6150 Axial Flow-stroper.
Die stroper se standaardrotor is 76,2 cm (30 duim) breed en 274,32 cm (108 duim) lank. Hierdie stropers het verskillende konkawe wat omgeruil moet word om verskillende soorte graan te stroop.
Die stroper se graantenk hou 10 570 liter, wat ontlaai teen 113 liter per sekonde. Die oorlaaigeut se tuit kan skarnier om die graan eweredig in die tapkar te versprei.
Die stroper se 832”-voorbande en 628”-agterbande sorg vir goeie aandrywing en stuur sonder om die land onnodig vas te trap.
Hierdie stropers spog ook met nuwe tegnologie om die boer en operateur se lewe makliker te maak.
Massey Ferguson se 9895-stroper verskyn weer by die jaarlikse stroperresies
Massey Ferguson se bielie 9895 Klas-8-stroper het vanjaar weer sy verskyning by die jaarlikse stroperresies gemaak. Thomas Wait, AGCO SA produkbemarkingsbestuurder, vertel dat die MF9895 Klas-8-stroper die ideale kombinasie van krag, tegnologie en doeltreffendheid is.
՚n Stroper met kragdoeltreffendheid
Die stroper het ‘n 9,8 liter, sewe-silinder AGCO Power-enjin wat 365 kW lewer. ՚n Klap aan die regterkant van die stroper maak die enjin toeganklik sodat die operateur dit maklik kan versien of herstel indien dit op die land sou breek.
Om te verseker dat jou stroper se enjin in die stowwerige veld koel bly, is dit toegerus met ՚n V-verkoeling-stelsel. Die verkoelers is in ՚n V-formaat weerskante van die enjin geplaas en ՚n hidrouliese omkeerbare waaier aan die bokant van die enjin skop elke 15 minute in om te verseker die verkoelers bly skoon.
Die MF9895-stroper het weer ՚n verskyning gemaak by die stroperresies.
՚n Doeltreffende stroper
Die unieke inlyn-enjin en -rotor ontwerp verseker direkte aandrywing aan die 800 mm rotor. Die MF9895-stroper is 3,56 m lank en het ՚n graantenkgrootte van 12 365 liter met ՚n uitlaaikapasiteit van 150 liter per sekonde. Die konkawe word met vere aan die raamwerk vasgesit. Dit beteken die vere sal meegee indien daar ՚n volume materiaal deurbeweeg wat die rotor nie kan hanteer nie.
Die MF9895-stroper se kajuit is gemaak vir gemak en doeltreffendheid.
՚n Kajuit gemaak vir gemak
So indrukwekkend soos wat die stroper aan die buitekant is, is die kajuit ook gemaak vir doeltreffendheid en gemak. Die kajuit is ruim, oop en verstaanbaar.
“Jy het jou hidrostatiese aandrywing, tafelbeheer, die rotor se aan- en afskakeling, versneller en die tafel se hoogteverstelling alles mooi bymekaar. Jy kan ook jou konkawe oop en toe stel en die waaierspoed verstel,” verduidelik Thomas.
Daar is ook ‘n C2100-skerm in die kajuit waar jy die siwwe oop- en toe kan maak, die waaierspoed kan verander en verstellings op die konkawe maak.
Thomas Wait, AGCO Afrika se produkbemarkingsbestuurder, saam met Sven Rohrs, Massey Ferguson Klas-8 bestuurder, was vir die tweede jaar by die stroperresies.
Stroop sonder vassit
Al Massey Ferguson se nuwe stropers het vierwielaandrywing sodat jy nie sukkel in nat toestande nie. Hulle kom ook standaard met Climate Field View en ʼn 5-jaar intekening. Massey Ferguson het ook die Klas-6 stroper, die 9695, en die 9795-stroper wat beskikbaar is in twee konfigurasies. Die een kom met ʼn kleingraankonfigurasie wat ʼn snyer insluit en dan ʼn grootgraankonfigurasie wat ʼn kafverspreider agteraan het. Die 9895 kom ook in ՚n grootgraankonfigurasie.
Die masjiene kom standaard met al die konkawe en siwwe wat vir klein en groot graan benodig word. Die MF9895 het sesde geëindig in die 2024-stroperresies en die span se doel vir die dag was om die skoonste monster met minimum verliese te stroop teen die vinnigste spoed. Die Drago-mielieplukkerkop verseker dat daar minimale aanpaksel op die plukker is.
Hoewel hulle nie eerste geëindig het nie, het Massey Ferguson beslis die boere verbaas en beïndruk.
Besoek gerus Massey Ferguson se webtuiste www.masseyferguson.com om meer te leer oor hulle voortreflike, boervriendelike stropers en diens.
FENDT: AGCO se spoggerige swart Fendt-stroper staan sy man by Stroperresies 2024
Niks kan ՚n boer keer nie. Die yskoue Stroperresies 2024 het weer bewys dat daar nie een ding is wat boere kan weghou van die opwinding en afwagting vir die langverwagte dag om te sien watter stroper koning gaan kraai nie. AGCO se 8T Fendt-stroper het nie teruggehou nie en het derde plek in die Klas 8-afdeling van die resies behaal.
Die Fendt-stroper is ontwikkel in die globale AGCO “centres of excellence” in oestegnologie. Met die insette van talle boere regoor die wêreld, het AGCO die stroper ontwikkel wat hom vandag een van die mees moderne en gevorderde stropers op die mark maak. Tevredenheid met die Fendt-stroper straal uit Frans Cronjé, die Fendtverkoopsman in Suid-Afrika, se gesig.
Die stroper lewer meer uitset, beter prestasie en is gebruikersvriendelik. Die 180 grade panoramiese sig vanuit die Fendt se kajuit skep die perfekte werksplek met ՚n vensteroppervlakte van 5,75 m², en langbeenbestuurders kan ՚n gemaklike sitplek geniet met die lang ure in die lande.
Stuur is kinderspeletjies
Om stremming op die operateur se skouers uit te skakel, het die Fendt in plaas van ՚n stuurwiel ՚n stuurstok op die linkerarmleuning. Die linkerhand stuur terwyl die regterhand die spoed beheer. Die Fendt-ratkas bied twee ratte met ‘n spoedreeks van 0 tot 15 km/u of 0 tot 40 km/u. Groot skerms en kameras reg rondom die stroper sorg dat die operateur deurgaans weet wat in en om die stroper aan die gang is.
AGCO Power- en MAN-enjins en bewese transmissietegnologie maak die Fendt-stroper toegerus vir enige taak. Maklike werking, doeltreffendheid, betroubaarheid en genoeg krag is sleutelkenmerke van die Fendt. Die stroper het ՚n 12,4 ℓ enjin wat 401 kW lewer om die taaiste taak baas te raak, terwyl dit uiters suinig met die brandstof werk.
-
- Frans Cronjé, trotse verkoopsverteenwoordiger van AGCO Suid-Afrika.
-
- Die Fendt 8T, Klas 8-stroper gereed vir stroop.
Die unieke eienskappe van hierdie pragtige, sterk, swart stroper het dit maklik laat lyk om deur die lande te beweeg en dit verg geen oortuiging dat dit die moeite werd is om in hom te belê nie. Hierdie stroper verkoop homself!
Vir meer inligting, besoek Fendt.com/za of kontak vir Frans Cronjé by 066-581-7505
New Holland: Geel-en-blou wen goud by Stroperresies 2024!
Almal droom daarvan om die beste in iets te wees. Vir New Holland is daardie droom ’n werklikheid met die eerste plek wat hulle losgeslaan het by die Stroperresies 2024!
Derrick Coetzee, produkspesialis by New Holland, is baie opgewonde om te vertel presies wat dit is wat hulle stropers die bobaas-kampioene maak. “Ons het vanjaar twee masjiene ingeskryf; in Klas 6 die CR6.80 en in Klas 8 ons CR7.90-stroper wat ‘n Klas 7-stroper is. Die CR6.80 stroper is die verdedigende kampioen van verlede jaar se resies.”
New Holland se Twin Rotor-stropers is al in 1975 bekendgestel en het sedertdien bewys dat hulle die markleiers is ten opsigte van kapasiteit, graangehalte en kragdoeltreffendheid.
Daar is niks wat Derrick Coetzee kan oortuig dat New Holland nie die beste is nie.
“Vir die afgelope 49 jaar het New Holland baie gewerk aan die vernuwing van ons stropers met die nuutste tegnologie en die fokuspunte van New Holland vir innovasie bly nog altyd dieselfde: kragdoeltreffendheid, graangehalte, strooigehalte en kapasiteit.”
In Suid-Afrika verskaf New Holland drie stropermodelle. Dit sluit in die bogenoemde stropers en dan ook die Klas 9 stroper, CR9.90. Die Klas 6 en 7 het 43-cm rotors (17 duim) en die Klas 9 het 56-cm (22 duim) rotors.
Derrick brei ook uit oor die kapasiteit van hierdie New Holland-bulle. “Die materiaalhyser (feeder) is toegerus met die Dynamic Feed Roll (DFR) om ‘n egalige vloei van materiaal na die Twin Rotor™ te verseker en die stelsel gee ‘n kragbesparing tot op 7 perdekrag. Ons sifoppervlak is 5,4 m2 op die Klas 6 en Klas 7 en op die Klas 9 ’n allemintige 6,5 m2.”
Die reguit vloei van materiaal deur die Twin Pitchrotors in New Holland se stropers verseker ’n egalige verspreiding van materiaal oor die hele oppervlak van die voorbereidingstafel en die sifoppervlak.
‘n Fotograaf moet gou spring as hy nog mielies wil sien op ‘n land waar New Holland stroop.
Oesgehalte is prioriteit!
So verduidelik Derrick: “Met die kombinasie van die Dynamic Feeder Roll en die eiervormige Twin Pitch-rotors, is ons gewasverplasing in hierdie masjiene baie goed. Omdat ons rotorspoed baie stadiger en ons konkaafopening baie groter kan wees, het jy ’n gewas-op-gewas dorsaksie, en nie meer ’n gewasmateriaal dorsaksie nie.”
Die Dynamic Flow Control beheer en kontroleer die vloei deur die rotors. “Vir die beste en skoonste graanmonster het ons stropers die gepatenteerde Opti-Clean en die Opti-Fanstelsels.”
New Holland maak hulle masjiene so kragdoeltreffend as moontlik om die bedryfskoste vir die boer laer te hou. Die eenvoudige uitleg van die stroper se aandrywing en die lae enjinkraggebruik hou die brandstofverbruik ook so laag as moontlik.
Voor in die koor met stroperoutomatisering
“Die Klas 7- en 9-stropers is toegerus met die IntelliSense-stelsel, wat ’n aanwins is vir iemand wat sy boerdery wil moderniseer. Die voordeel
van die IntelliSense-stelsel is dat die stroper al die nodige verstellings doen, sodat die operateur net aandag hoef te gee aan die vloei van die materiaal in die masjien in, die uittap van die graan en die omdraai op die wenakkers.”
2024 Stroperresies: Case IH wen twee tweedeplekke
Sewesyferbedrae en stropers is sinoniem – daarom is die aanskaf van een van hierdie kolosse nie ’n saak wat ligtelik benader word nie. Boere het nodig om die stropers in aksie te sien en ook om dié van verskillende vervaardigers met mekaar te vergelyk.
Die Grootpan-studiegroep se Stroperresies het ՚n paar jaar gelede as ’n gesellige boerebraai en -kuier ontstaan, en oor die jare heen tot ’n betekenisvolle geleentheid op die landboukalender ontwikkel. Case IH het vanjaar weer twee stropers vir die resies in die Klas 6- en Klas 8-afdeling ingeskryf. Case IH se 8250 het sy man gestaan in die Klas 8-afdeling en met tweede plek weggestap.
Case IH se gewilde 6150-stroper het in die Klas 6-afdeling deelgeneem en ook tweede plek behaal. Kobus Olwagen, produkbestuurder by Case, vertel: “In 1979 is die eerste Case-stropers op Suid-Afrikaanse grond verwelkom. Hierdie stropers is al ՚n hele paar jaar op die mark, en die gewildheid van Case-stropers het geweldig toegeneem. Hierdie stropers het die enigste enkel-aangedrewe rotorstelsel wat deur Case gepatenteer is.”
Kobus vertel meer oor die spesifikasies en unieke kenmerke van die Case IH se 6150 Axial Flow-stroper: “Case IH se welbekende 6150-stroper het ՚n 8,7-liter Iveco-enjin wat 246 kW lewer. Die stroper se standaardrotor is 76,2 cm (30 duim) breed en 274,32 cm (108 duim) lank. Hierdie stropers het verskillende konkawe wat omgeruil moet word om verskillende soorte graan te stroop.
Kobus Olwagen is met reg trots op Case IH se stropers waarop SuidAfrikaanse boere sedert 1979 reken.
“Hierdie stroper se siwwe se skeidingsarea is 5,4 vierkante meter. Dit is groot genoeg om hierdie 8-ry Geringhoff-plukkerkop te hanteer en moontlik groter plukkers ook sou jy wou,” voeg Kobus by.
Kobus sê: “Hierdie is ՚n baie eenvoudige masjien. Daar is nie onnodige bewegende dele nie. Van die sluk af, die wydte wat die materiaal van die sluk af inkom, beweeg die materiaal in die rotor in, wat deurgedors word, die pitte val op die sif en gaan van daar af na die graantenk.
Case IH se 8250-stroper stap met tweedeplek in die Klas 8-afdeling van die Stroperresies weg.
“Al die komponente van hierdie stroper word met dryfbande aangedryf. Wanneer jy na die binnekant kyk, sal jy sien die stroper het standaard kafstrooiers. Daar is ook kapmesse wat verstel kan word om die materiaal growwer of fyner te maak,” verduidelik Kobus.
Die stroper se graantenk hou 10 570 liter, wat ontlaai teen 113 liter per sekonde. Die oorlaaigeut se tuit kan skarnier om die graan eweredig in die tapkar te versprei. Die stroper se 832”-voorbande en 628”-agterbande sorg vir goeie aandrywing en stuur sonder om die land onnodig vas te trap. Hierdie stropers kan ook met dubbelwie le bestel word. “Die stroper is toegerus met ՚n skoonmaakarea by die verkoeler waar die rolsif is. Die onnodige materiaal en blare word hier uitgeblaas en op die grond gegooi,” voeg Kobus by.
Die manne van Case IH na afloop van die Stroperresies.
Hierdie stropers spog ook met nuwe tegnologie om die boer en operateur se lewe makliker te maak.
Kobus verduidelik: “Dit gee vir jou elke drie sekondes ՚n lesing van die verloop van die proses wat op die skerm binne die kajuit gesien kan word.” Die kajuit is ook ontwerp met die operateur wat lang ure moet stroop in gedagte gehou. “Die waarborg op alle Case-stropers is 3 jaar of 1 500 uur,” sluit Kobus af.