Categories: 2024-Val-Boeredag, Artikels, NuusPublished On: 5th July 2024

Val in by Val Boeredag of val in die pad!

By 2 min read

DSC_0474

Die wit spiertier van Valtrac kén sy storie.

As daar een ding is wat jy verseker kan weet is dit, daar waar ’n trekker loop en ‘n werktuig werk, daar daag ’n boer op!

Tussen die lewende demonstrasies en spogdiere was daar meer as genoeg om toeskouers mee besig te hou.

Val Boeredag is geen uitsondering nie. Hiérdie demonstrasiedag het vanjaar plaasgevind op 2 Julie, soos gewoonlik op die Waterval Boerevereniging se Boeredag-terrein. Vroegdag toe die ProAgri-span daar opdaag, terwyl die dou nog op die gras lê, het die terrein reeds gewemel van gretige toeskouers wat gereed was vir die demonstrasies om af te skop.

LEMKEN se helderblou is maklik om uit te ken van ’n myl af! Hier pronk hulle Rubin 10 in die stoppelland by Val Boeredag.

Hoe werk die Val Boeredag?

Hierdie dag is ’n geleentheid vir potensiële kopers om elke moontlike trekker en werktuig in aksie te sien.

Die Bok.i-strookbewerker werk behoorlik dat die stof so staan!

Bekende verskaffers aan die landboubedryf demonstreer een vir een hulle toerusting, terwyl die skare in twee rye langsaan staan om te bekyk hoe die werktuie werk. Demonstrasies sluit in alles van grondbewerkers en planters, tot hommeltuie, spuite en stropers. Dit bied boere die kans om self te sien hoe vinnig, skoon, doeltreffend en deeglik ’n werktuig werk. Hulle kan ook al hulle vrae vra en met die verskaffers gesels.

Die 350 Patriot-spuit van Case IH was ’n groot gunsteling onder die skare.

Dit is natuurlik ook ’n wonderlike geleentheid vir verkopers om hulle nuutste tegnologie bekend te stel en die mark se reaksie daarop te sien.

’n Spesiale demonstrasie hierdie jaar was veteraantrekkers wat ook hulle verskyning gemaak het.

Een van die legendariese McCormick Farmall-veteraantrekkers in aksie.

Meer as net masjiene

Die atmosfeer by só ’n boeredag is iets om oor huis toe te skryf.

Een van die gewildste trekpleisters is natuurlik altyd ’n lekker kosstalletjie. En by Val Boeredag is daar meer as genoeg van hulle! Verbeel jou: soet oliebolle, taai biltong, ’n sappige boereworsrol en ’n wafel op ’n stokkie vir nagereg.

Naas Rautenbach staan trots met sy bielie van ’n mielie!

Van die ander stalletjies, was produkte vir die bestuur van diere en gewasse, en produkte wat van leer gemaak word.

Die lewende vertonings is ’n groot rede waarom veral die jongklomp die dag bywoon. Hierdie jaar se kunstenaars was Bernice West en Brendan Peyper.

Hendrico en Oupa Boet was baie opgewonde om al die werktuie in aksie te sien.

1

Deel hierdie artikel.

Leave A Comment

1