Ontsluit top genetika by die Vlakte Bonsmara Studiegroep Bulveiling: 60 topklas bulle op aanbod!
VlakteBonsmaraGroep-Oct18-Veiling-NLS
Soos die landboubedryf aanhou ontwikkel, raak die belegging in eersteklas genetika al hoe belangriker. Hierdie jaar se Vlakte Bonsmara Studiegroep Bulveiling bied ’n gulde geleentheid vir telers en boere om hulle kuddes na nuwe hoogtes te voer met sestig topgehalte bulle op aanbod, wat elkeen met die hand uitgesoek is, en geteel is vir uitmuntende prestasie en genetiese potensiaal.
Die Vlakte Bonsmara Studiegroep staan bekend vir hulle verbintenis tot uitnemendheid en die groep vooruitstrewende Bonsmaratelers fokus daarop om bulle in die mark beskikbaar te stel wat werklik uitstaan ten opsigte van aanpasbaarheid, vrugbaarheid en groeipotensiaal. Hierdie telers lewer gereeld van die beste Bonsmara-genetika en verseker dat elke bul wat op die veiling aangebied word, jare se toegewyde teling en gehalte verteenwoordig.
Die Vlakte-groep se jaarlikse bulveiling is ‘n hoogtepunt op die Bonsmara-kalender en met vanjaar se uitsonderlike bulle op aanbod, kry jy die kans om genetika te verseker wat ’n blywende impak op jou kudde se produktiwiteit en winsgewendheid kan hê. Of jy nou jou teelprogram wil uitbrei of jou huidige stoet na die volgende vlak wil vat, die Vlakte Bonsmara Studiegroep-veiling is die plek waar jy moet wees.
Ontmoet die Vlakte-telers wat vanjaar bulle op die groep se 15de bulveiling aanbied:
- Jean Gouws van Aldigo Bonsmaras
- Kobus du Toit van KDT Bonsmaras
- Leon Fritz Riekert van LFR Bonsmaras
- Tian Kruger van Tian Kruger Boerdery
- Henk Pretorius van Thaba Kwena Bonsmaras
- Frits Kroon van Frits Kroon Boerdery
- Johan Boshoff van Bosland Boerdery
- Andries Kruger van Kameeldoring Bonsmaras
Hier is ‘n paar van die topbulle wat gerus gemerk kan word!
-
- Lot 4 van Kobus du Toit, KDT Bonsmaras, is een van die eerste LAR 17-308-seuns op die veiling. Wat dadelik die aandag trek, is hierdie bul se goeie balans, diepte en breedte regdeur. Hierdie bul se speenkalf-, groei- en karkaswaardes is ver bo gemiddeld met ‘n “bloubloed”-stamboom wat teruggaan na AG 98-338, LAR 09-281 en LAR 14-173. Top koeifamilies onderstreep die baie goeie melksyfer. Hier is ‘n bul met baie potensiaal en regmerkies in al die kassies!
-
- Henk Pretorius van Thaba Kwena Bonsmaras bied met trots TBS 21-86 op vanjaar se bulveiling aan. Hierdie bul het besonder goeie balans, en ‘n sterk bek en kop. Hierdie bul draf uit op Lot 8, en kan ook gereken word as die agsteman van die span! Moenie hierdie bul misloop nie.
-
- Jean Gouws van Aldigo Bonsmaras bied vanjaar een van hulle persoonlike gunstelinge aan aan op Lot 5. ‘n Uitsonderlik korrekte bul geteel uit BKR 18-137 (LAR 09-223-seun). Hy is lank en breed met goeie skofontwikkeling, ‘n sterk kop en breë bek. Sy onderlyn is mooi skoon, testes goed gevorm en hy spog ook met ‘n baie mooi blink vel en hare. Met teel- en seleksiewaardes bo die rasgemiddeld op 6 uit die 7 kriteria, bring hierdie bul alle gewenste fisiese eienskappe en goeie teelwaardes baie mooi bymekaar, en sal ‘n staatmaker wees in enige stoet of kommersiële kudde. Hierdie bul sal goeie vervangingsverse teel en vir seker nie teleurstel met sy manlike nageslag nie! Met sy raamtipe, geboortegemaksyfers en eie geboortegewig van 33 kg kan hy vir gebruik op volwasse verse oorweeg word.
-
- Met Tian Kruger Boerdery se eerste toetrede tot die Vlakte Bulveiling, skop TKB Boerdery af met ‘n uitsonderlike 2,5 jaar oue seun van CEF 18-450. Hierdie kompakte, vroegryp bul beskik oor goeie manlikheid, ‘n sterk kop en bek, breedte oor die rug en uitstekende balans. Sy sterk kloue, netjiese skrotum en skoon onderlyn word ook afgerond met ʼn goeie diepte en kapasiteit. Hierdie is ‘n bul wat onmiddellik die aandag trek. Hy word ook verder aangevul met goeie teelwaardes. ‘n Speenkalfwaarde van 102, vrugbaarheidswaarde van 107, koeiwaarde van 106 en karkaswaarde van 106.
-
- Lot 10, FKB21-28 van Frits Kroon Boerdery is ‘n blok vleis met goeie kloue. Hierdie bul is self in die FKB-kudde gebruik en daar word ‘n saadaandeel van die bul teruggehou.
-
- Kameeldoring Bonsmaras bied ‘n top bul KBS 21-85 op Lot 6 aan.
-
- Bosland Boerdery bied met trots Lot 30, BLB 21-522 op die komende Vlakte Bulveiling aan. ‘n Donker manlike seun van LFR18-010 met ‘n sterk kop- en bek, prominente oogbanke en ‘n goed ontwikkelde skof. Die bul het goeie breedte oor die rug en is besonders sterk oor die skouers met ‘n mooi skoon onderlyn en ‘n wakker houding.
-
- Lot 2, LFR 21 54 van LFR Bonsmaras is ‘n donker manlike seun van HJL 12 124 met goed ontwikkelde oogbanke, ‘n breë kop en sterk bek. Hy is ‘n halfbroer van LFR 15-32 wat op sy beurt weer die pa is van die uitsonderlike bul LAR 19-373. Die bul is baie korrek met ‘n skoon onderlyn, goed gevormde testes, sterk kloue, ‘n netjiese stertaanhegting en goeie toplyn. Sy moeder LFR 13 90,n prentjie mooi koei met ‘n foutlose rekord TKP 368/8 kalwers en ook die ouma van die bul LFR 19-08 verkoop aan Graham Mulders, Alexwill Farms Zambië. Verder beskik Lot 2 oor ‘n melkwaarde van 108, GDT indeks van 115, groeiwaarde van 112 en karkaswaarde van 110. LFR 21-54 het baie diepte in sy stamboom met bewese en beproefde lyne wat na vore kom.
Volg die skakel na die speellys van die bulle op YouTube:
https://youtube.com/playlist?list=PLKHsWM69d4yiwce-qieYdTqRb3GQ1SMp8&si=YxGTuHnmk6VCu7E9
Buiten die sestig top bulle wat aangebied word, bied die groep ook 250 vroulike diere in alle produksiestadiums aan.
Volg die skakel na die digitale katalogus:
Merk die datum aan in jou dagboek en sluit aan by die Vlakte-groep se bulveiling: Vrydag, 18 Oktober 2024 om 11:00 te plaas Doornpan, Roedtan.
**Die Vlakte-groep bied ook 400 km GRATIS vervoer op alle diere, asook 30 dae allesomvattende versekeringsdekking op die bulle.
Die veiling word lewendig deur Vleissentraal Bosveld aangebied en sal ook aanlyn deur SwiftVee aangebied word.
Vir enige navra kontak:
Hendrik van der Walt: 083 628 9301
HP van der Walt: 081 011 2049
Besoek die Vlakte Bonsmara Studiegroep se webwerf vir enige addisionele inligting: https://www.vlaktebonsmara.co.za/
Related Posts
