Senwes kondig met graagte aan dat Francois Marais met ingang van 1 November 2026 as besturende direkteur: Senwes Equipment aangestel is.

Francois keer terug na Senwes met meer as 25 jaar se uitvoerende leierskapservaring in die landbou-, meganisasie- en industriële toerustingsektore. Sy aanstelling bring hom terug na die organisasie waar hy sy loopbaan begin het. Hy bring uitgebreide plaaslike en internasionale ervaring saam wat Senwes Equipment se posisie as ’n toonaangewende meganisasievennoot vir die Suid-Afrikaanse landbou verder sal versterk.

Francois het deur sy loopbaan ’n sterk rekord opgebou in die bevordering van kommersiële groei, die leiding van strategiese verandering en die bou van suksesvolle organisasies. Hy het besigheidsuitbreiding regoor Suider- en Oos-Afrika suksesvol gelei, volgehoue omsetgroei bewerkstellig, uitgebreide handelaarsnetwerke ontwikkel en langtermynwaarde deur sterk kommersiële en operasionele leierskap geskep.

Sy ervaring sluit strategiese beplanning, sakeontwikkeling, finansiële bestuur, markuitbreiding, operasionele uitnemendheid en skakeling met belanghebbendes in. Hy is bekend vir sy vermoë om strategie in meetbare besigheidsresultate om te skakel, sterk kliënteverhoudings te bou en  spanne te ontwikkel wat volhoubare resultate lewer.

Francois het sy loopbaan in 1996 by Senwes begin, waar hy verskeie rolle in meganisasie- en onderdelebestuur beklee het.

As Besturende Direkteur: Senwes Equipment sal Francois verantwoordelik wees vir die leiding van die maatskappy se meganisasiebesigheid, die bevordering van strategiese groei, die versterking van kliënteverhoudings en die versekering van operasionele uitnemendheid regoor die besigheid.

Die Senwes Groep verwelkom Francois en wens hom alle sukses in sy nuwe rol toe.