‘n Ware vriend vir die produsent, maar ook vir die verbruiker, is neXgro, wat groei van die landboubedryf moontlik maak deur ‘n geïntegreerde voorsieningsketting. neXgro doen dit deur die vestiging van strategiese vennootskappe, verbetering van berging en logistiese doeltreffendheid, beskerming van verbruikers se voedselveiligheidsbelange en die verskaffing van landboukundige dienste en raad.

neXgro het ongeveer 35 jaar gelede die mark betree, waar hulle as pioniers die eerste graantransaksies gedoen het. Van toe af al fokus hulle op hoe hulle met die produsent kan skakel en ’n handjie kan bysit.

Met hierdie silo’s kan jou graan in weelde rus ná oesseisoen.

neXgro werk saam met Mysilo (www.mysilo.com) om vir produsente die beste opsies moontlik te bied. Mysilo is ’n maatskappy wat in Turkye gevestig is. Hulle bied silo’s en toerusting van internasionale gehalte, wat Suid-Afrikaners sommer maklik-maklik deur neXgro kan aanskaf!

“Daar is min maatskappye wat regtig aan die produsent se kant staan en wat as bemarker vir die produsent optree,” sê Theo Scholtz, direkteur Kommoditeit bemarking. “Ons het gekyk hoe ons kan waarde ontsluit agter die plaashek. Ons fokus baie op prys- en risikobestuur vir die produsent.”

Theo Scholtz van neXgro is gewapen met kennis en kontakte om jou graan veilig te berg en teen die beste pryse te verkoop.

Theo en sy span fokus op insetkostemodelle, kontantvloeiprojeksies en gelykbreekontledings om seker te maak dat elke plaas so winsgewend as moontlik bly en geen plaashek gesluit hoef te word nie.

neXdeal is ’n basisverhandelingsplatform waarop neXgro baie trots is. Theo sê: “Dit is weer eens baanbrekerswerk wat ons daar gedoen het.” Dit bring kopers en verkopers bymekaar waar en wanneer dit hulle pas.

Besoek neXgro se webwerf om ook vir jou plaas die beste silotoerusting aan te skaf.

Maak seker jy sit vir jou ’n silo op sodat jy slaggereed is vir oesseisoen hierdie jaar.

Kontak neXgro gerus:

(011)-692-4400

www.nexgro.co.za.