Sy prys is sy prys

Tydens ‘n rustige Saterdagmôreritjie tussen die plotte deur sien Gawie ‘n kennisgewing wat sê: “Perd te koop.”

Hy ry in en vind daar vir Dawie met ‘n lamlendige, wanstaltige ou perd wat lyk of hy enige oomblik kan omval.

Gawie: “Is dit die perd wat te koop is?”

Dawie: “Ja.”

Gawie: “En hoeveel geld wil jy nogal vir die arme ou ding hê?”

Dawie: “Miljoen rand.”

Die volgende Saterdag ry Gawie weer by die plot verby en sien dat daar op die kennisgewing bo-oor “Perd te koop” geskryf staan: “Verkoop.”

Hy kan dit nie glo dat iemand die ou perd sou koop nie en draai weer in.

Gawie: “Het jy toe wragtig reggekry om die arme ou knol verkoop?”

Dawie: “Ja.”

Gawie: “En het jy toe wragtig miljoen rand vir hom gekry?”

Dawie: “Ja. Eintlik het ek hom verruil vir twee hoenderhane van vyfhonderdduisend rand elk.”