Die landdros laat die deurtrapte veedief vry ten spyte daarvan dat hy ‘n gewoontedief is, dat daar ‘n swetterjoel onomstootlike bewyse teen hom is en dat hy die getuies teen hom met die dood dreig.

Dit ontstel die boer wie se beeste gesteel is en hy sê vir die landdros: “Maar is jy heeltemal van jou kop af?

Die landdros beboet die boer R600 vir minagting van die hof en die boer haal sy beursie uit en begin geld tel.

Landdros: “Jy kan nie die geld hier in die hof betaal nie. Jy moet dit aan die klerk van die hof gaan betaal.”

Boer: “Ek weet. Ek kyk net of ek genoeg geld het om nog twee woorde by te voeg.”