Dit was weer die tyd van die jaar wanneer NAMPO Kaap afgeskop het met groot opwinding, en Molatek het deel uitgemaak van die opwinding! Hulle sorg vir lekker vet lammers wat skaapboere se kontantvloei ‘n hupstoot sal gee!

JC Vollgraaff, die Molatek-agent in die Overberg en Stellenbosch area, gesels graag oor die huidige seisoen op hande en die produkte wat Molatek vir boere bied om gesonde vet lammers te hê. Hierdie produkte, naamlik die Molatek Meester 20 en die Molatek Lam en ooi lek met hulle hoë proteien en energie inhoud verseker verhoogde melk produksie by die ooi.

Kobus Gerber, die Molatek-agent in die Suid-Kaap gebied van Mosselbaai, asook in die Klein Karoo, praat oor lammers wat gespeen word en hoe hulle baat ten opsigte van groei en die produksie van skoon, wit-wol. “Dit is belangrik om ruvoer in die mengsels te sit. Omdat die weiding so min vesel het, word vesel by die mengsels gevoeg,” noem Kobus.

Hier is die resep vir die groei van lekker vet, gesonde lammers:

• 200 kg Molatek Skaapvetmes Konsentraat
• 50 kg Molatek Bypass
• 600 kg graan
• 100 kg lusern

Hierdie mengsel kan baie vroeg gegee word (vanaf week twee). Sou die lammers dan gespeen word en die afrondfase begin, kan jy kies of jy wil aangaan met nog ’n 500 g per lam per dag op die weiding. As die weiding nie voldoende is nie, stel Kobus voor dat die lammers eerder in ’n kraal gesit word met ‘n soortgelyke mengsel waarvan die enigste verskil is dat die lusern dan na 150 kg opgeskuif word. Skoon drink water is absoluut noodsaaklik vir diere prestasie en voer inname.

As jy jou lammers die beste moontlike voeding wil bied, kan jy die Molatek-agente kontak om jou by te staan in die beplanning. Hulle gaan graag saam plaas toe om te kyk wat die beste opsie vir die lammers in hulle spesifieke omgewing is. Die Molatek-agente is tegnies in ‘n klas van hulle eie en maak dit hulle prioriteit om te verseker dat kliënte reg gehelp word en die regte inligting kry!

Kontak Molatek deur hulle webtuiste te besoek by https://www.molatek.co.za/.