Ernstige saak

Laat die nag stop ‘n verkeerskonstabel ‘n motoris en sê: “Meneer, besef jy dat jy sonder agterligte ry?”

Die motoris spring uit, hardloop na die agterkant van sy motor en gee ‘n klaende kreun. Daarna val hy op die grond neer, trek bosse hare uit sy kop en huil kliphard.

Die verkeerskonstabel sien dat sy geweeklaag eg is en kry hom jammer: “Ag toe maar, Meneer, dit is darem nie so erg nie.”

“Nie so erg nie?” snik die motoris. “Wat het van my woonwa geword?”