Categories: Artikels, WielePublished On: 8th November 2023

Die Mahindra XUV300-sportnutsvoertuig: Kombineer pret, veiligheid en werkverrigting

By 2 min read

DSC_0315

Dis nie aldag wat jy ՚n motor koop nie en die dag wanneer jy doen, moet jy seker wees jy koop nie ՚n kat in die sak nie. Maar as jy al ooit ՚n Mahindra-sportnutsvoertuig gery het, weet jy dit is die laaste ding om jou oor te bekommer. Met ՚n perfekte balans tussen veelsydigheid en veiligheid is die XUV300 ՚n betroubare toevoeging tot die gesin.

Of dit nou vir Mamma is om die kleinspan mee rond te karwei, of vir Boeta se eerste motor wat die lang pad universiteit toe moet aandurf, dié reeks bied gemoedsrus en bestuursgemak. Die Mahindra XUV300 word geklassifiseer as ՚n kompakte sportnutsvoertuig (SNV) wat beteken dat dit ՚n kleiner, ligter model is as die groter XUV700. Dit is egter juis wat dit so veelsydig maak: of dit nou grond- of teerpad is, die motortjie kan! Dit woeker met 200 Nm wringkrag en staan ook nie terug vir veldry nie.

Met 180 mm grondvryhoogte durf dit enige plaaspad aan. Die XUV 300 is beskikbaar as ՚n 1,2 ℓ turbo-aangedrewe petrolmodel of met ՚n 1,5 ℓ turbo-aangedrewe dieselenjin. Ongeag van jou keuse sal jy tevrede wees met die voertuig se spaarsamige brandstofverbruik. Daar is plek vir vyf insittendes en die agtersitplekke kan afslaan om meer plek vir bagasie te maak.

Ongeëwenaarde veiligheid op die pad

Die hoofmotivering vir menige koper om ՚n Mahindra XUV300 aan te skaf is sy uitstekende NCAP-veiligheidsgradering. Die 5-stergradering is toegeken vanweë die sewe lugsakke: Kantgordynlugsakke wat sowel die voorste as agterste insittendes beskerm, voorlugsakke, en kniebeskermingslugsakke om die bestuurder se knieë te beskerm. Met beheerknoppies op die stuurwiel hoef jy nie jou hande van die stuurwiel – of jou oë van die pad – af te haal nie. Boonop spog die voertuig ook met voorste parkeersensors wat jou veilig tot teen die muur van jou waenhuis lei.

Mededingende tegnologie regoor die reeks

Die XUV300 is propvol tegnologie. Selfs op intreevlak hoef jy nie in te ruil op al die tierlantyntjies wat in elke luukse motor verkry kan word nie. Kenmerke soos die wielposisionering, outomatiese verdowwingspieël, dakvenster en slimbestuurstelsel maak die voertuig pure plesier. Daarmee saam kan jy ook bestuursgemak verwag wat by so ՚n pretvoertuig pas.

In die kajuit kan die bestuurder en passasiers ՚n gehalte klankstelsel wat die luisteraar omvou en dubbelsone volledig outomatiese temperatuurbeheer geniet. Die bestuurder se sitplek kan in ses rigtings verstel. Só kan jy in optimale gemak bestuur. Daar is ook toevoegings soos die bergruimte binne die voorste armleuning waar jy belangrike items kan wegsteek.

Voordat jy jou besluit neem, gaan toetsbestuur die XUV300 by Mahindra Alberton. Besoek hulle webtuiste by http://www.mahindraalberton.co.za of skakel hulle by +27-82-338-7538

0

Deel hierdie artikel.

Leave A Comment

0