Dit is mooi, dit is rooi, dit is Case IH – wat weereens uitgehaal en gewys het by vanjaar se 35ste Val Boeredag.  Die maatskappy, bekend vir sy hoëgehalte-landboumasjinerie, het ’n paar topprodukte saamgevat om vir boere te wys presies wat hierdie toerusting in die veld kan doen.

Case IH het onder meer met die 325 Magnum, 355 Magnum, AF9-stroper, Early Riser-planter en Speed-Tiller by die boeredag gaan spog.

Magnum

Case IH het sy Magnum™ 325- en Magnum™ 355-trekkers ingespan om implemente te sleep tydens die demonstrasies op die dag.

Hulle is veelsydige trekkers met ’n CVXDrive™- of PowerDrive-ratkas en ’n vol tegnologiepakket. Die Magnum™ 325 is ’n 240 kW-trekker met ’n 8,7 liter-enjin, terwyl die Magnum™ 355 ’n 260 kW-trekker met ’n 8,7 liter-enjin is.

Die Magnum™ 355 beskik ook oor Case IH se Rowtrac™-konfigurasie. Hierdie trekker het al die krag wat ’n boer nodig het om selfs die taaiste werk op die plaas maklik te laat lyk.

AF9-stroper

Besoekers by Val Boeredag kon ook Case IH se nuwe vlagskipstroper, die AF9, in aksie sien. Met ’n 635 pk (474 kW)-enjin, ’n 20 000 liter-graantenk en ’n uitlaaispoed van 159 liter per minuut, is hierdie stroper ideaal om groot lande vinnig te stroop.

Hoewel die stroper steeds oor die bekende Case IH Axial-Flow-enkelrotor-konsep beskik, is die toevoerhuis tot by die skoonmaak- en restebestuurstelsels herontwerp. Anders as konvensionele stropers wat graan deur verskeie dorsstadiums skei, gebruik die Axial-Flow-stelsel een rotor wat die dors- en skeidingsproses in een vloeiende beweging voltooi. Dit lei tot beter materiaalvloei deur die masjien, verminderde pitbeskadiging en dra by tot beter oesgehalte.

Die skoonmaakstelsel is ook ontwerp om beter werkverrigting in ongelyke veldtoestande te lewer. In plaas daarvan dat graan direk op die siwwe val, word dit eers op ’n graanpan ontvang wat van voor na agter én van kant tot kant beweeg. Hierdie beweging help om materiaal meer eweredig oor die hele skoonmaakarea te versprei, wat die doeltreffendheid van die stelsel verbeter.

Die rotor self is ongeveer 860 mm langer as vorige vlagskipmodelle en skep dus ’n ekstra skeidingsarea met twee bykomende stelle konkawe.

Radarsensors aan die agterkant van die stroper monitor windtoestande intyds en pas die strooipatrone outomaties aan om ’n gelyke verspreiding van oesreste te handhaaf.

Early Riser-planter

Case IH se Early Riser-planterreeks bied robuuste ry-eenhede gekombineer met die nuutste Case IH-tegnologie om akkuraat teen jou eie spoed te plant en ’n eenvormige gewasopkoms te verseker.

Die Early Riser-planterreeks beskik oor Precision Planting^®-opsies om in alle veldtoestande, grondtipes of gewaspraktyke akkuraat te plant.

Met die Climate Corporation FieldView^®-kajuit-app kan jy hoëdefinisie-plantdata besigtig, soos intydse datavisualisering per ry, kartering, A/B-lyndeling en meer. Gekarteerde data sluit in saadhibriede, populasie, enkelvoud, spasiëring, DeltaForce^® hidrouliese afwaartse krag, vloeibare kunsmis en korrelchemiese lae.

Die planter het vertikale ry-eenhede van 16 duim (41 cm) wat met minder onderdele gebou is om deur reste te sny en onderhoud minder te maak. Die groter deursnee en dikker Earth Metal^®-verstelbare oopmaaklemme is agronomies ontwerp om maklik deur reste en moeilike grondtoestande te sny.

Deur op- of afwaartse hidrouliese druk, verkry die DeltaForce^® konstante gewig op die maatwiele vir ongeëwenaarde dieptebeheer.

Omgekeerde sluitskywe rits die sloot toe en plaas grond met ’n hoë vogvlak direk op die saad. Die drukwiel verseker behoorlike saad-tot-grond-kontak.

Die reeks is ook toegerus met grootmaatvultenks om betroubare saadlewering van die tenk af te verseker, ongeag die saadpopulasie.

Speed-Tiller

Die Case IH Speed-Tiller 475 is ’n hoëspoed-dis wat vinnig werk maak van moeilike oesreste om jou grondgehalte te verbeter en oesopbrengs te maksimeer. Die dis is beskikbaar in groottes van vier meter tot 12 meter.

Hierdie dis se lemme is apart gemonteer om konstante penetrasie en konsekwente skyfdieptes te verkry. Die tande volg ook die kontoere van die land vir optimale werkverrigting en eenvormigheid van die saadbeddiepte.

Die lemme se unieke ontwerp en montering verseker minder verstopping in natter gronde, terwyl die roller die oesreste maklik in die grond inwerk.

In die herfsmaande kan die dis teen dieper dieptes gebruik word om oesreste te bestuur en onkruid te beheer, en in die lentemaande op vlakker dieptes vir saadbed-afwerking.

Met ’n robuuste raamwerk, lemme en arms kan jy die dis in enige grondtoestande gemaklik gebruik. Die Case IH Speed-Tiller beskik ook oor die bekende Soil-Command-bewerkingstegnologie wat voorsiening maak vir maklike en vinnige aanpassings aan die implement, vanuit die gemak van die kajuit.

Die 5 cm dik rubber-dismontering laat die lemme toe om hul posisie deur die moeilikste grondomstandighede te behou. Hulle is ook die dikste en swaarste dismonterings op die mark om jou lemme op te pas.

Die Case IH Speed-Tiller bied ’n gladder, meer gelyk saadbed en afwerking wat jou lande pas. ’n Gladde saadbed dra by tot konsekwente, akkurate saadplasing en ongehinderde wortelontwikkeling.

Om meer te lees oor enige van hierdie indrukwekkende Case IH-produkte, besoek gerus die maatskappy se webtuiste by https://www.caseih.com/en-za