Vir mielieprodusente word die waarde van ’n swamdoderprogram dikwels aan siektebeheer gemeet. Maar wat ná siektebeheer in die gewas gebeur, kan net so belangrik wees.

’n Onlangse mielieproef in die oostelike Hoëveld, uitgevoer deur die gewasspesialis Francois Kruger van Agrocentre saam met Eduan Theron, Syngenta se veldgewasbestuurder, het getoon dat die handhawing van ’n gesonde plant tydens die kritieke stadiums van korrelontwikkeling net so belangrik soos siektebeheer kan wees, veral wanneer gewasse aan hitte- en droogtestres blootgestel word.

In twee afdelings van ’n land is die volgende gedurende ’n uitdagende, baie warm en droë seisoen in Januarie en Februarie vergelyk:

• Die toediening van ’n standaard swamdoder (AMISTAR® Top) by V5 met ‘n gewone opvolgbespuiting ; en
• Die toediening van ’n standaard swamdoder (AMISTAR® Top) by V5, gevolg deur ’n toediening van ’n veelvuldige-modus plantbeskermer (MIRAVIS® Neo) by VT/RT1, net voor bestuiwing.

Die verskil was sigbaar in die land. Die eerste gewas het goed presteer, met goeie bestuiwing en siektebeheer, en geen tekens van noordelike mielieblaarskroei nie. Plante wat egter die bykomende ekstra beskerming by VT/R1 ontvang het, was sigbaar langer en groener.

Vir Kruger is hierdie verlengde groenheid betekenisvol.

“Dit is belangrik omdat die boonste blaredak ’n belangrike rol speel in die ondersteuning van korrelvulling. Om die plant langer groen te hou, kan help met die proses van fotosintese namate dit voortgaan om die korrels te vul en korrelmassa op te bou.”

Die proefplante wat met MIRAVIS® Neo behandel is, het ook positiewe verskille in die struktuur van die koppe en vogbehoud getoon.

Die verskille was nie net tot die blare en koppe beperk nie. Toe die mieliestingels oopgesny is, het die plante wat met MIRAVIS® Neo-behandel is, meer vogbehoud en gesonder internodes getoon.

By die enkelbehandeling was daar minder vog en tekens van verrotting wat by die internodes begin ontwikkel het. Gesonder stingels kan ook die risiko verminder dat plante voor oes omval.

Sekere produkte beskik die vermoë om plante se metaboliese prosesse positief te beïnvloed en ‘n bydrae te lewer wat verder strek as net siektebeheer.  Syngenta se ADEPIDYN® tegnologie dra hiertoe by deur chlorofil produksie van plante te verbeter, lig absorpsie te verhoog om sodoende die fotosintese proses meer effektief te laat plaasvind.

Dit lei tot groter, groener blare en stamme wat die plant ondersteun in moeilike klimaatstoestande.  ADEPIDYN® tegnologie verlaag die transpirasie tempo, wat lei tot ‘n beperking van waterverlies.  Dit help plante om meer effektief en optimaal te presteer.

Vir produsente beklemtoon dit ’n belangrike beginsel: gewasbeskerming gaan nie bloot daaroor om ’n siekte te behandel wanneer dit verskyn nie. Dit gaan daaroor om die gesondheid van die gewas te handhaaf en opbrengspotensiaal deur die hele seisoen te beskerm.

Die waarnemings geld ook onder die kop. Toe die stingels oopgesny is, het die plante wat die bykomende behandeling ontvang het, meer vog en gesonder voorkoms van die litte getoon.

Daarteenoor het die plante wat slegs een behandeling ontvang het, minder vog en tekens van verrotting by die litte getoon – eienskappe wat die risiko kan verhoog dat plante voor oes omval.

Hierdie waarnemings is veral relevant in seisoene wanneer omgewingstres bykomende druk op die gewas plaas.

Volgens Kruger het die oostelike Hoëveld noordelike mielieblaarskroei as ’n belangrike blaarsiekte ondervind, terwyl grysblaarvlek ook oor die afgelope drie jaar meer algemeen geword het. Veranderende omgewingstoestande en die teling van kultivars met ’n hoër opbrengspotensiaal kan tot verhoogde siektedruk bydra.

Maar vatbaarheid vir siektes is nie die enigste oorweging nie. Volgens Kruger kan selfs kultivars wat nie besonder vatbaar vir blaarsiektes is nie, verskille toon wanneer swamdoderprogramme gebruik word. Na sy mening beklemtoon dit die potensiële fisiologiese voordele van gewasbeskerming, wat verder strek as bloot die voorkoming of beheer van infeksie.

Theron sê die proef dien as ’n nuttige herinnering dat die impak van gewasbeskerming nie altyd onmiddellik as siektebeheer sigbaar is nie. Soms lê die verskil daarin hoe goed die plant aanhou presteer met ‘n groter opbrengs wanneer die seisoen uitdagend raak.

“Syngenta het jare lank data in die laboratorium en in die veld versamel om doeltreffende produkte te ontwikkel. Doen navraag oor die proewe, doen die berekeninge, en, wanneer jy weer  deur jou lande stap, kyk ’n bietjie noukeuriger na daardie blaredak. Wat jy vandag beskerm, is wat jy môre oes.”