Categories: Artikels, GewasproduksiePublished On: 25th April 2024

Pioneer se kultivars bring die hoop na Hoopstad

By 4 min read

IMG_7325

Noordwes en Vrystaat se boere ken hulle mielies. Daarom het Pioneer by Chris Schoonwinkel van die plaas De Rots, in Hoopstad, gaan aanklop om die regte kultivars vir hierdie gebied op die proef te stel.

Chris is ‘n tweedegeslag boer op hulle familieplaas wat sy pa in die tagtigs by ‘n Hollander oorgekoop het. Hulle boer met mielies, sojabone en sonneblomme.

Hy vertel dat hy en Pioneer verlede jaar vir die eerste keer begin saamwerk het. Oorspronklik het hulle net mielieproewe op sy plaas kom plant.

“Ons het net stroopproewe geplant. Ons wou basies wit- en geelmieliekultivars toets om te sien wat hulle aanpasbaarheid in hierdie omgewing is,” verduidelik hy.

Na ‘n baie suksesvolle eerste proeflopie het hulle besluit om hierdie jaar sojabone en sonneblomme by te voeg, omdat dit ook twee gewilde gewasse in die area is.

Hennie du Plooy, Pioneer se gebiedsbestuurder vir die Noord-Vrystaat, Sentraal-Vrystaat, Wes-Vrystaat asook die oostelike gedeelte van die Noordwes-provinsie verwelkom almal by Pioneer se landboukundige dag in Hoopstad.

“Ons wil ook kyk wat is die kultivars se aanpasbaarheid in ons omgewing. Wat die witmieliekultivars aanbetref, het ons gesien dat daar in die Pioneer-stal kultivars is wat wesenlik beter presteer het die afgelope paar jaar. Hulle graankwaliteit is baie goed met die stroopproses. Ons wou sien of dit wat ons in die proefresultate gelees het die waarheid is. En dit lyk regtig baie goed hier by ons,” sê Chris.

Boere van die omgewing is genooi om op 9 April self te gaan kyk wat Pioneer se kultivars in hulle omgewing kan bereik.

Hennie du Plooy, Pioneer se gebiedsbestuurder vir die Noord-Vrystaat, Sentraal-Vrystaat, Wes-Vrystaat asook die oostelike gedeelte van die Noordwes-provinsie vertel dat dit vir hulle belangrik is om vir die boere die produkte te lewer wat in hulle gebied die beste sal doen.

“Vir ons as Pioneer is dit belangrik om ons merk te maak in die westelike streek van die Vrystaat, spesifiek in terme van ons mieliekultivars, sojabone en sonneblomme,” sê Hennie.

Hennie du Plooy gesels oor Pioneer se kultivars.

Hulle PowerCoreTM-produkte doen merkwaardig goed en dit is vir Pioneer baie belangrik, want volgens Hennie is dit die toekoms. Hierdie genetika bied weerstand teen onkruiddoder en bogrondse insekte.

Hennie verduidelik: “Ons het tans ‘n witmielie in PowerCore™-tegnologie beskikbaar, P2849WPW en gaan die P2565WPW ook van volgende jaar af beskikbaar stel.”

Die P2849WPW is reeds vir boere beskikbaar en dan is daar ook ‘n P2851 PowerCore™-tegnologie op pad.

“Ons wil vir ‘n produsent ‘n pakket kan aanbied waar ons vir hom ‘n medium-, lang- en kortgroeier kan gee wat dan almal die PowerCore™-tegnologie bevat,” vertel Hennie.

Dr Chris Schmidt praat met die boere oor bemesting.

Hoewel hierdie witmieliewêreld is, het Pioneer ook hulle geelmieliekultivars ten toon gestel.

Die P2850BR is ‘n geelmielie wat teen ‘n lae stand geplant kan word, sterk meerkoppig is en goeie spruite maak.

“Dit is ‘n goeie mielie om aan te plant, veral in die westelike gebiede van die land waar boere graag teen ‘n laer stand wil plant,” verduidelik Hennie.

Hulle nuwe kultivar in die klas is die P29050R, wat ‘n Roundup Ready-mielie is. Sy PowerCore™-baster is nou in die R5 stadium en Hennie en die Pioneer-span is opgewonde om te sien hoe hierdie kultivar kan aanpas.

“Dan is ons baie opgewonde oor ons P1197PW PowerCore™-besproeingsmielie wat uitstekend doen. Ons is bly om hom ook in die gebied te kan bemark aan boere wat ‘n geelmielie soek onder besproeiing teen ‘n hoë stand.”


Die sojaboonkultivars op Chris Schoonwinkel se plaas by Hoopstad het uitstekend presteer.

Pioneer verkoop nie net saad nie, maar bring baie ander kennis na boere op hulle Pioneer Landboukundige dae. Op Hoopstad kon boere ook luister na ‘n praatjie oor bemesting wat deur dr Chris Schmidt aangebied is en Hanno Maree van Stoller het gepraat oor hulle biologiese produkte.

In die lande kon die boere die kultivars besigtig en na die Pioneer-landboukundiges luister. Martin Brandt het gesels oor mieliegenetika en voorskrif-inligting, terwyl Johan Kock gefokus het op wortelontwikkeling.

De Bruyn Myburgh het oor sojabone gepraat en Phillip Fourie het op sonneblomme gefokus. Corteva Crop Protection het ook inligting oor hulle Blue N en Instinct produkte gedeel.

Die dag is afgesluit met ‘n lekker saamkuier en ‘n sappige biefstuk vir elk.

Johan Kock praat oor wortelontwikkeling.

Deel hierdie artikel.

Leave A Comment