Categories: Artikels, GewasproduksiePublished On: 26th June 2024

Om volgende jaar weer te plant, gaan jy meer PRESIES moet raak

cobs-1934194_1280

In Suid-Afrika ondervind ons baie min  die senario waarin ons tans is, waar hoë pryse saam met hoë opbrengste behaal word.  Ons is baie meer gewoond om teen klein winsmarges te boer en daarom raak dit al hoe belangriker dat elke pit sy deel doen om so na as moontlik aan die maksimum opbrengs vir daardie betrokke jaar op jou lande te kom.

Jou grondpotensiaal, reënval en praktyke bepaal jou opbrengs

By Pioneer het ons die afgelope vyf seisoene baie navorsing met wetenskaplike modelle gedoen op ‘n wye verskeidenheid grondsoorte met verskillende gronddieptes en klei-persentasies. Tans sit ons met ‘n produk wat ons met vertroue in die veld op ons genetika kan gebruik.

Pioneer saad word nou in jou lande geplant met die sekerheid dat elke pit teen die regte stand op die regte hektaar geplant is. Uit meerjarige data wissel die voordeel om dit so te doen van 2 tot 9%.  Met dit in gedagte kan die groot kapitale koste wat aangegaan moet word om ‘n presisieplanter en ‘n stroper wat vir jou opbrengskaarte trek, baie makliker regverdig word.

Tabel 1: Voorbeeld van die verskil tussen een stand “flat rate” teenoor preskripsie

In Tabel 1 kan gesien word hoe die data ontleed word om te bepaal of ‘n wisselende plantestand oor jou land beter was as net een bepaalde stand regoor die land. Bogenoemde voorbeeld was in proef wat by ‘n boer in Leandra, Mpumalanga geplant is. Hier kan gesien word dat met vanjaar se opbrengs die Pioneer-voorskrif R2 478,00/ha meer waarde gelewer het as die eenvormige stand van dieselfde kultivar in dieselfde land.  Kultivarstand is maklik te hoog of te laag en daarom word die potensiaal van die genetika nie optimaal benut nie.  Deur te weet wat die potensiaal van die grond asook die potensiaal van die baster is kan baie minder foute begaan word en is jou kans om die maksimum opbrengs elke jaar te stroop baie beter.  Preskrisies word nie vir uitskieter nat- of droë jare geskryf nie – solank jy minstens sewe uit tien jaar beter doen deur die voorskrifte te volg, regverdig dit jou skuif na hierdie tegnologie.

Wat staan jou te doen?

Indien jy op die punt in jou boerdery gekom het wat jy voel jy is teen ‘n plafon of net iets wil doen om jou winsgewendheid te verbeter, is tegnologie verseker iets wat jy as boer meer van gebruik moet maak. Alles kos geld, maar spandeer geld op plekke waar dit vir jou voordelig gaan wees en waar dit die kapitale uitleg regverdig. As jy ‘n saaiboer is moet jy die visie hê om te belê in ‘n presisieplanter. Daamee saam gaan presisie-ontledings en -kartering van jou lande.

Hier hoef jy nie alles in een seisoen te doen nie, maar begin net.  As jy hierdie inligting en toerusting deel van jou onderneming maak, kan soveel landboumaatskappye soveel meer waarde tot jou boerdery-eenheid byvoeg, aangesien hulle baie uitbrei op die tegnologiese front en nuwe tegnologieë ontwikkel, om self ook mededingend in die mark te bly.

Deur meer van presiesietoerusting gebruik te maak, maak jy jou veranderlikes meer voorspelbaar en die aksiestappe wat daarop volg meer suksesvol. Neem die stap om meer presies te weet, presies te meet en presies te plaas. Hierdie is nie ‘n gewaarborgde wenformule nie, maar jou kans om in die wenspan te bly raak net baie groter.

 

Vir meer inligting oor presisieplant en oor Pioneer self, besoek www.pioneer.com/za of stuur ‘n e-pos na info.rsa@pioneer.com.

0

Deel hierdie artikel.

Leave A Comment

0