Maandag 7 Januarie 2019 is Hendrik van Pletzen, voormalige tegniese bestuurder van Voermol-voer, na ‘n lang stryd aan kanker oorlede.

In die veebedryf is hy geken as navorser, weidingskundige en voorligter. Hy het in 1998 by Voermol aangesluit en het die Beesboer- en Skaapboer van die Jaar-kompetisie begin.

Hy was ook die skrywer en medeskrywer van semi-wetenskaplike en bekende artikels en het ook talle eerbewyse ontvang.

Hy word oorleef deur sy vrou, Petro en hulle drie kinders. Die begrafnisreёlings sal nog bekend gemaak word.