Die vermoë van die landboubedryf is tydens die ramptoestand bewys. Wat lê nou voor?

20 April 2022 Die prestasies van die landbou- en verwante bedrywe oor die afgelope twee jaar in die handhawing van voedselsekerheid en selfs die produksie van bykans rekord oeste – te midde van die vreemdste tye – verdien spesifieke erkenning, veral noudat die nasionale ramptoestand beëindig is. Met die politieke welwillendheid wat in daardie onsekere dae van die pandemie verdien is, moet die bedryf nou sy rol uitspel om die saad vir Suid-Afrika se toekoms te saai, skryf landbou-ekonoom Dr Kobus Laubscher, konsultant vir Agility Agri.

Nou wat nou vir die landbou? Dit spreek vanself dat ons steeds sukkel met baie van dieselfde pre-pandemiese groeibeperkende faktore van verouderde of onvoldoende infrastruktuur, die las van verhoogde koste om produkte op verswakkende paaie te vervoer en beleid onsekerheid oor ‘n wye boeg. Die kwessie van die groei beperkende toestande van paaie wat in ‘n onlangse AgriSA-studie uitgelig is, kan die landbou so ernstig strem dat voedselsekuriteit in gedrang kan kom. Reaksie hierop soos ‘n hernude verbintenis tot samewerking spreek egter meer van wat die privaatsektor se nuwe verhouding met die regering kan wees, en ons moet begin om die grondslag te lê vir waarheen hierdie vennootskap ons moet lei in die dekades wat voorlê.

Landbou is onlangs herwaardeer as ‘n belangrike instrument vir ekonomiese ontwikkeling, ‘n etiket wat welverdiend is. Tog, noudat die bedryf gewys het wat ons kan bydra, kan bedryfsleiers dit nie as vanselfsprekend aanvaar dat die regering noodwendig met ‘n komplimenterende beleid en hulpbrontoewysing sal volg nie.

Ons het ons rol gespeel om voedselvoorrade sterk te hou en mededingend te bly deur onder andere rekord uitvoere tydens die pandemie, maar die regering moet die rompslomp sny en verseker dat departemente saamwerk om ‘n ondersteunende beleidsomgewing vir groei te skep. Daar is nie tyd vir die ondoeltreffendheid van ‘n silo-gebaseerde benadering nie. In die beste belang van inklusiewe ekonomiese ontwikkeling, benodig ons sinchronisering van beleid, en ons sal nouer met die regering moet saamwerk om dit te bereik.

Van ons kant af is dit belangrik om geleenthede te ontgin om die landbouwaardeketting nog meer onontbeerlik vir die nasie te maak en sodoende sy onderhandelingsmag te versterk. Wat kan ons doen om nou die leemtes te vul, en om te definieer wat van diegene in die landbou vorentoe verwag sal word in hierdie nuwe samewerkende bedeling?

Na die pandemie gaan ons ons spelwisseling moet verbeter om mededingend te wees en die mees produktiewe gebruik van alle hulpbronne en spesifiek grond moontlik te maak. Dit sal gepaard moet gaan met die versekering van die welstand van die arbeidsmag as ‘n onontbeerlike hulpbron en om werksgeleenthede in landelike gebiede aantrekliker te maak. Die staat se vermoë om sosiale beskerming te bied soos onder andere, mediese dienste in die platteland, het grootliks in duie gestort. Dit het uit noodsaaklikheid die baan geweg vir bykomende ondersteuning vanaf werkgewers, minstens ‘n tussentydse maatreël, in gebiede waar die regering nog nie in staat is om doeltreffende openbare dienste te lewer nie.

Werkgewers van volhoubare organisasies het die waarde daarvan ingesien om werknemervoordele wat gesondheid en finansiële welstand bied uit te brei na almal op wie hulle staatmaak om produktiwiteit te optimaliseer.

Hoewel daar baie opsies is wat werknemervoordele betref, word nie almal gelyk geskep nie. Min is toegerus om ten volle voorsiening te maak vir die spesifieke behoeftes van die landbou- en verwante bedrywe, en die uiteenlopende vereistes van individuele ondernemings soos boerderye en hul arbeidsmag op alle indiensnemingsvlakke, insluitend ‘n landboumaatskappy se uitvoerende hoof of die boer.

Agility Agri se geïntegreerde diensaanbieding bied ’n volledige gesondheid- en finansiële oplossing wat bestaan uit ’n mediese skema, gapings- en bybetalingsdekking, gesondheidsbesparings, werknemerbelonings, welstandsvoordele, met ’n gerieflike enkele kontakpunt en geïntegreerde diens.

Landbouwerkgewers sien die opbrengs op belegging in verbeterde produktiwiteit wanneer spanlede gemotiveer word met gehaltevoordele en bemagtig word om beter na hul gesondheid om te sien met toegang tot private gesondheidsorgondersteuning wanneer nodig. Die geïntegreerde benadering verseker dat mensekapitaalrisiko doeltreffend bestuur word sonder duplisering van dekking, terwyl administrasiekoste bespaar word.

Aangesien tegnologie ‘n toenemende rol speel om produktiwiteit regdeur plase, verskaffers, toerustingvervaardigers en die hele landbouwaardeketting te maksimeer, sal ons in mense moet belê en hul kapasiteit moet bou vir die behoeftes van die ‘nuwe werkplek’. Om die regte mense te werf, hulle op te lei om tred te hou met vooruitgang en om hierdie gewaardeerde werknemers lojaal en optimaal produktief te hou, is van kern belang.

Dit is nie meer ‘n geval dat werknemervoordele ‘n luukse is wat slegs aan bestuur aangebied word nie, ons moet die sektor aggressief bemagtig en daarop aandring om ondersteuning aan alle personeel te bied. Die hulpmiddels wat deur Agility Agri verskaf word, vul aan wat ‘n boerdery of verwante landbou-onderneming nodig het om doeltreffend in hierdie nuwe bedeling te werk en betekenisvol by te dra tot waardeskepping vir almal.

Dit sal die bedryf in ‘n beter posisie plaas om beleide aan te pak wat nie in die beste belang van ontwikkeling is nie en om daardie beleide as vennote van die staat aan te pas. Die vrugte sal gepluk word weens die bedryf se uitgebreide ervaring en gedemonstreerde geskiedenis van volharding.

Bron: Agility Agri