In baie gedeeltes van die land, was Junie ryp-vry en dit kan gesien word in  die  aantal  haarwurm-besmettings  wat  deur  boere  ondervind  is, volgens  die  maandelikse  siekteverslae  soos informeel  gerapporteer deur veeartse. Kleinveeboere moet op die uitkyk wees vir diere met tekens van anemie en bottelkaak. Besoek die webbladsy www.wormx.info vir meer inligting oor die FAMACHA-stelsel en die vyfpunt vraelys.

In  die  droë  gedeeltes  van  die  land  is  die  teenwoordigheid  van langnekbankrotwurms  aangemeld.  As  wurmbesmettings  nie  aangespreek word nie, kan dit tot groot ekonomiese verliese lei. Baie van die diere wat dood  is  weens  proteïen-  en  energietekort-sindroom  het  hoë  lewerwurm-besmettings  gehad  met  ‘n  geskiedenis  van  weiding  rondom stilstaande waterbronne.

Draaisiekte of “gid” in bokke is aangemeld. Die siekte word deur ‘n nierwurm op  die  brein  veroorsaak  waar  diere  besmet  word  met  die  eiers  van  ‘n lintwurm, jakkals of hond.

Eksterne parasiete

Junie was warmer as gewoonlik en in baie gedeeltes was daar geen ryp nie. Met die voorkoms van laat reëns in sommige gebiede was die gevolg dat besmettings  deur  interne  en  eksterne  parasiete  algemeen  voorgekom  het. Verslae van insek-oordraagbare siektes is van baie gedeeltes oor die land ontvang. Een boer het tien skape gekoop en rooiluis in die kudde ingebring. ‘n Gebrek aan bio-sekuriteitsmaatreëls kan eindelose probleme veroorsaak.

Bosluis- en insek-oordraagbare siektes

Die volgende siektes is aangemeld: Afrika Rooiwater (6 provinsies), Asiatiese Rooiwater  (6  provinsies),  Anaplasmose  (7  provinsies),  Hartswater  (6 provinsies) en Korridor-siekte in KwaZulu-Natal. Siektes wat gewoonlik in die somer en herfs voorkom is ook aangemeld, soos Knopvelsiekte, Drie-dae -stywe -siekte en Bloutong.

Veneriese siektes

Nege  uit  elf  bulle  wat  by  ‘n  veiling  aangekoop  is,  het  positief  getoets  vir Trichomoniase. Dit is gebiedend noodsaaklik dat bio-sekuriteitsmaatreëls ten alle tye toegepas word.

Bakteriese siektes

Verskeie gevalle van Sponssiekte is aangemeld. Dit kon voorkom word as diere ingeënt is en ‘n energie-aanhitser toegedien is. Boere moet ook op die uitkyk wees vir Lamsiekte. Dit word veroorsaak deur ‘n dodelike gif wat enige tyd op enige plek in Suid-Afrika kan voorkom. Diere moet daarteen ingeënt word. In sommige dele van die land kom dit ook onder kleinvee voor. Verder is Johné se siekte besig om te versprei. Maak seker dat jy skape net by ‘n betroubare bron koop.

Virale siektes

Snotsiekte kom baie algemeen voor. Boere moet seker maak dat beeste en wildebeeste sover as moontlik van mekaar af gehou word.

Ander   

Verskeie  gevalle  van  hondsdolheid  is  aangemeld.  Diere  moet  versigtig hanteer word as hulle vreemde gedrag toon. Gevalle van orf en warts is ook in die meeste provinsies aangemeld.Die maande wat voorlê gaan moeilik wees omdat daar nie genoeg ruvoer vir diere beskikbaar is nie. Hopelik reën dit vroeg in die lente.

Bestuur

Op baie plase is jong kalwers dood aan diarree. Dit sou nie gebeur het as die siek kalwers in warm toestande aangehou is nie. ‘n Verhitte omgewing is ‘n absolute voorvereiste vir die behandeling van kalwers met diarree gedurende die wintermaande. Trouens, alle jong kalwers behoort in hul termo-neutrale sone aangehou te word. Die enigste manier om dit reg te kry, is om ‘n bron van hitte in die vorm van ‘n infra-rooi lig te gebruik.

Beeste hou nie baie daarvan om deur die modder na die voerbak te loop nie, wat beteken dat hulle minder voer inneem:

• Beeste gebruik meer energie as hulle deur die modder moet ploeg om by die  voerbak  te    Modderige  toestande  kan  beeste  se energievereistes met soveel as tien persent verhoog.
• As beeste nat is gedurende koue toestande, het hulle meer energie nodig om warm te bly, dit lei ook tot verlaagde groei en produksie.
• Een geval van  LDA’s  op  ‘n  plaas  kon  toegeskryf  word  aan  die modderige toestande waar die vars koeie aangehou is.

Bron: RPO Bulletin