Damvlakke oor al die provinsies daal steeds weekliks en boere raak benoud oor moontlike waterbeperkings wat ingestel kan word. Die opname wat deur die departement van Waterwese op 6 Junie 2016 gedoen is wys ‘n 0,4% afname in damvlakke.

Die damvlakke is nou gemiddeld 53,4% teenoor  verlede jaar hierdie tyd toe dit 76,2% was. ‘n Verdere daling van 10% voor die somerreënval, kan verwag word.

Die Algoa-stelsel wat uit vyf damme bestaan en die Nelson Mandela-Baai area bedien is op 75,9%. Die Amathola-stelsel van die Buffalo City area, het gedaal met 0,6%. Kaapstad se damstelsel het ook met 0,6% gedaal.

Die Klipfonteindam het 17,4%, Goedertrouw 20% en Hluhluwe 13,4% water in. Die Vaalrivier-stelsel is 62,5% vol teenoor verlede jaar die tyd se 82,4%. Die Sterkfonteindam is 89% vol en die Grootdraaidam lê by 84,7%.

As daar na die Oranjerivier gekyk word lê die Gariepdam op 53,4% en die Vanderkloofdam is op 65,1%. By Pietersburg is die damstelsel 51,3% vol.

Van die 211 damme wat gemonitor word, is 12 damme onder 10%, 64 damme het minder as 40% water en 18 damme is 100% vol.

Bron: Departement van Water en Sanitasie