Oor die jare het Jerrycar ‘n bekende naam in die Suid-Afrikaanse brandstoftoerustingbedryf geword deur dieseltenks, dieselpompe, filters, vloeimeters en brandstofoordragtoerusting te verskaf wat spesiaal vir Afrika-toestande ontwerp is. Die maatskappy bedien beide die landbou- en kommersiële mark en lewer produkte landswyd regoor Suid-Afrika.

Volgens Koos Muller van Jerrycar was die maatskappy se hooffokus nog altyd gehalte, betroubaarheid en langtermynwerkverrigting. “Ons fokus nie daarop om die goedkoopste produkte op die mark te verskaf nie. Ons fokus is om brandstoftoerusting te lewer waarop klante elke dag kan staatmaak, veral in veeleisende omgewings waar betroubaarheid van kritieke belang is,” sê Koos.