Boere weet dat die regte toerusting jou nie net help om ’n oes lewer nie, maar ook om aan ’n toekoms te bou. Agri Afrika verstaan die unieke uitdagings van Suid-Afrikaanse boere en bring oplossings wat elke ry, elke hektaar en elke seisoen laat tel. Van presisie-saaiwerk tot veelsydige grondbewerking staan Agri Afrika se produkreeks kop en skouers bo die mededinging uit. In hierdie artikel bekyk ons vier van hulle suksevolste modelle van nader.

Great Plains se 4- tot 10-ry Yield-Pro-planter

As jy presisieplantwerk ernstig opneem, sal die Great Plains Yield-Pro-planter jou bondgenoot op die land wees. Dié planter is beskikbaar in 4, 6, 8 of 10 rye en plaas elke pit perfek.

Wat dié planter so besonders maak, is sy Air-Pro^®--lugdrukuitmeetstelsel, wat sorg vir betroubare saaduitmeting, ongeag die saadgrootte of -vorm. Elke saad word versigtig met presiese druk in die ry geplaas sonder dubbelplantery of haasbekke.

Voeg daarby die Clear-Shot^®-saadleweringstelsel en jy kry akkuraatheid wat jou opbrengspotensiaal drasties verhoog. Boere het die vryheid om tussen enkel- of tweery- (twin-row) -konfigurasies te kies, afhangend van plantbehoeftes en gewaskeuse. Die planter se stewige raamwerk, diepwerkende tande en verstelbare saadbeheerstelsels beteken jy plant presies reg ongeag die grondtipe.

Skep ’n perfekte saadbed met die Great Plains Field Cultivator

’n Goeie planter kan net sy beste lewer as die grond reg voorberei is, en dít is waar die Great Plains Field Cultivator uitblink. Hierdie grondbewerker is ontwerp vir medium tot swaar bewerking en skep ’n egalige, fyn saadbed wat ideaal is vir vinnige, eenvormige ontkieming. Met hidrouliese werkdieptebeheer, Max-Mix^™-penpatroontegnologie en verskillende tandopsies, breek dié werktuig verdigtingslae in die grond op sonder om die vogbalans te versteur. Die eenheid sluit ook ’n afwerkingshark in wat kluite breek en ’n gladde oppervlak agterlaat vir ’n netjiese saadlyn.

Wat boere waardeer, is die werktuig se eenvoudige verstelbaarheid en lae versieningsvereistes, tesame met die sterk raamwerk wat vir jare se harde werk ontwerp is.

Presisie-vertikale bewerking: Great Plains Turbo-Max

In ’n tyd waar minimale grondversteuring en die doeltreffende bestuur van plantreste noodsaaklik is, bied die Turbo-Max ’n uitnemende oplossing. Dié vertikale bewerker werk met twee rye skuins geplaasde, getande skywe wat deur plantreste sny sonder om die grondstruktuur nadelig te verander.

Wat dit uniek maak, is die verstelbare hoek van die skywe (tussen 0° en 6°), wat dit moontlik maak om bewerking aan te pas by jou spesifieke gewasbehoeftes of grondtoestande. Jy kan dus een keer deur die land ry en presies die regte diepte en bewerking kry.

Die Turbo-Max is pasgemaak vir herfsbewerking om stoppels te breek, of vir lentebewerking om saadbeddings voor te berei. Die werktuig se hidrouliese afwerkingsroller laat jou toe om die finale tekstuur presies te beheer vanuit die trekkerkajuit.

Doeltreffende werktuighantering: Legend Caddy

Elke boer weet dat logistiek op die plaas ‘n knoop in jou produksieplan kan word as jou toerusting nie maklik vervoer of verwissel kan word nie. Die Legend Caddy bied ’n eenvoudige, maar uiters nuttige oplossing vir die hantering van kleiner planters of werktuie wat trekkerkoppeling verg. Met sy stewige raamwerk, eenvoudige haakstelsel en hoë dravermoë, laat die Legend Caddy jou toe om werktuie maklik te vervoer tussen blokke of oor lang afstande, sonder om trekkrag te verloor of ’n tweede trekker nodig te kry. Dis veral nuttig vir boere wat verskeie werktuie op ’n dag gebruik.

Agri Afrika staan saam met die boer

Wat al vier hierdie produkte gemeen het, is dat dit in Suid-Afrika beskikbaar gestel word deur Agri Afrika, ’n maatskappy wat nie net toerusting verkoop nie, maar ’n vennoot in boerderysukses wil wees. Hulle verstaan plaasomgewings, grondtipes en seisoensiklusse en help jou om die regte gereedskap vir jou plaas te kies. Of jy nou presisieplantwerk wil doen, doeltreffende saadbeddings wil skep, plantreste wil hanteer of jou werktuie beter wil bestuur, Agri Afrika het die oplossing.

Suksesvolle boerdery is nie net die vrug van harde werk nie, maar van wyse besluite oor toerusting. Deur beproefde tegnologie soos die Great Plains Yield-Pro-planter, Field Cultivator, Turbo-Max en Legend Caddy aan te wend, kan boere hulle doeltreffendheid verbeter, risiko verminder en wins verhoog.

Vir meer inligting, besoek gerus www.agriafrika.co.za of skakel met jou naaste Agri Afrika-verteenwoordiger.