In ’n wêreld waar professionele mense se lewe nie net agter ’n lessenaar afspeel nie, maar ook op sportvelde, in vergaderkamers en op sakereise, is dit belangrik om klere te dra wat saam met jou beweeg. Dié behoefte is presies wat Global Golf die Suid-Afrikaanse mark bied, en dit doen hulle met trots reeds sedert 1995 as die eksklusiewe verspreider van die Cutter & Buck-handelsmerk.

Die handelsmerk is nie net bekend onder gholfspelers nie, maar ook sakelui, spanbestuurders en avontuurlustige professionele persone kies toenemend hierdie klere vir hulle veelsydigheid, gehalte en tydlose voorkoms. Global Golf, met sy hoofkantoor in Johannesburg, het homself gevestig as ’n toonaangewende speler in sowel die sport- as korporatiewe klerebedryf.

’n Handelsmerk met ’n storie

Cutter & Buck is in 1989 op die weskus van die VSA, aan die waterkant van Seattle gestig. Die naam weerspieël die elemente van dié dinamiese streek. “Cutter” verwys na die see en “Buck” na die wildernis – ‘n kombinasie van energie en natuurlike robuustheid wat vandag steeds in die ontwerp van hulle klere weerspieël word.

Van die begin af is die handelsmerk gemik op mense wat hulle lewe voluit leef; van die kantoor tot op die plaas, van werk tot ontspanning. Hulle klere is ontwerp om saam met jou te beweeg, sonder om afbreuk aan netheid of gehalte te doen.

Wat maak Cutter & Buck anders?

In teenstelling met modeneigings wat kom en gaan, hou Cutter & Buck by ’n paar kernbeginsels:

Klerekaste wat werk: Elke kledingstuk is ontwerp met ’n doel – om jou gemaklik, professioneel en beskermd te hou, ongeag die omgewing. Die materiaal is rekbaar, vogbeheer is ingebou, en die meeste van die produkte beskik oor sonbeskerming (UPF) vir mense wat baie tyd buite deurbring.

Maklik om te versorg: Hierdie klere is gemaak om gereeld gedra en gewas te word sonder om hulle vorm, kleur of tekstuur te verloor.

Onopvallende handelsmerk: Cutter & Buck se klere dra slegs subtiele kentekens, wat dit ideaal maak vir ondernemings wat hulle eie handelsmerk of spanembleem op hoëgehalte-klere wil plaas.

Hierdie eienskappe maak die reeks uiters geskik vir die landbou-, jag-, toerisme-, wildbedryf en natuurlik die korporatiewe sektor waar personeel in kontak met kliënte of gaste is.

Van die gholfbaan tot ‘n bestuursvergadering

Wat Cutter & Buck uniek maak, is hoe goed hulle klere aanpas by verskillende omgewings. Of jy nou in die veld is, met kliënte vergader, of op reis; hulle klere pas in sonder om onvanpas te lyk. Hierdie is nie modeklere nie, dit is praktiese klere wat jou professioneel en netjies laat voorkom.

Global Golf stel die volledige reeks in Suid-Afrika beskikbaar, met man- en damestyle wat ooreenstem sodat ’n span ’n eenvormige voorkoms kan handhaaf. Groottes is tot 4XL vir mans en 3XL vir dames, met “groot en lank”-groottes op versoek beskikbaar.

Die keuse van maatskappye wat omgee oor beeld

In die sakewêreld is eerste indrukke belangrik. Cutter & Buck bied ’n uitstekende oplossing vir maatskappye wat klere soek wat hulle handelsmerk met trots verteenwoordig. Die subtiele ontwerpe maak dit maklik om jou maatskappy se embleem prominent, maar smaakvol, daarop aan te bring. Die kleding is dus ideaal vir:

• Werksklere vir personeel wat in die openbare oog is,
• Korporatiewe geskenke aan klante of vennote,
• Gholfdae of spanbougeleenthede,
• Safari-lodges, jagplase of toerismemaatskappye wat ’n professionele beeld wil handhaaf.

Duursaamheid met ’n doel

Wat baie mense nie weet nie, is dat Cutter & Buck ook ’n voortreflike voorbeeld is van ’n moderne maatskappy wat omgee vir die planeet. Hulle Toward Ever Better-inisiatief het ten doel om vanjaar nog minstens 90% van hulle produkte uit volhoubare bronne te vervaardig. Tot op hede is meer as 76-miljoen plastiekbottels herwin en omskep in vesel wat nou deel vorm van hulle klere. Dié benadering help nie net die omgewing nie, maar verseker ook klere van ligter gewig, beter asemhaling en langer lewensduur – eienskappe wat boere, wildboere en toerisme-ondernemings waardeer.

’n Betroubare vennoot in klere

Met meer as dertig jaar se ondervinding in Suid-Afrika, verstaan Global Golf die plaaslike mark. Hulle bied nie net klere aan nie, maar ook:

• Raad en leiding oor geskikte style en pasvorms,
• Logo-plasing en borduurwerk van hoë gehalte,
• Vinnige aflewering en ordelike hantering van groot bestellings,
• Professionele diens aan sowel individue as ondernemings.

Vir iemand wat wil hê dat sy handelsmerk moet spreek van gehalte en betroubaarheid sonder om luidrugtig te wees, bied Cutter & Buck die ideale balans.

Klante dra dit keer op keer

Wat gereeld terugkom in terugvoer van klante, is dat hulle neig om hulle Cutter & Buck-hemde of baadjies oor en oor te dra. Dit bly netjies, behou sy vorm, en werk saam met jou of jy in die stad is of op ’n plaaspad tussen stof en wind.

Kontakbesonderhede en katalogus

Global Golf stel graag op aanvraag hulle volledige produkreeks beskikbaar, en belangstellendes kan hulle aanlyn-katalogus besoek by www.globalgolf.co.za, of stuur ‘n e-pos aan cutterbuck@globalgolf.co.za.

Of jy nou ‘n klereoplossing soek vir jou personeel, of jou eie klerekas wil opgradeer vir ’n aktiewe en veelsydige leefstyl, Global Golf en Cutter & Buck bring vir jou klere wat nie net mooi lyk nie, maar presteer.