Die gesamentlike veiling van Lucasdam Swartkop Dorpers en CJ Coetzee Dorpers asook gasverkopers, wat op 24 Feb 2022 op die plaas Lucasdam te Postmasburg aangebied was, was ’n reuse sukses.

Die uitstekende pryse behaal, weerspieël weereens die top kwaliteit diere wat aangebied was.

John Daniel en Jaco Coetzee kan werklik met reg trots wees op hul uitstekende aanbod die jaar, dié is ‘n veiling wat Dorpertelers en- kopers maar kan dagboek en bywoon.

Die duurste Swartkop Dorperram, Lot 28, 20-0618 van John Daniel van Postmasburg is vir R40 000 aan Rudie Erasmus ook van Postmasburg verkoop.

Die duurste Wit Dorperram, Lot 32, 20-0145 van Jaco Coetzee (CJ Coetzee Wit Dorpers) van Groblershoop verkoop vir R22 000 aan Abrie Badenhorst van Hopetown.

Gemiddelde pryse behaal op die veiling is soos volg:

Swartkop Dorper T5- & stoetramme	R17 282-60
Wit Dorper T5- & stoetramme	R11 500-00
Swartkop Dorper kudde-ramme	R8 528-00
Wit Dorper kudde-ramme	R9 333-33
Wit Dorperooie	R8 152-00
Swartkop Dorperooie	R6 382-35
Swartkoper Dorperooie en lammers	R9 363-64

Noordkaap Lewendehawe Vryburg wens John Daniel, Jaco Coetzee en gasverkopers hartlik geluk met die goeie veiling.  Theuns Visser was die afslaer.