Op die laaste veiling van die winterverkoopseisoen het bokhaarpryse in kopersguns gesluit as gevolg van die sterker rand en beperkte kompetisie in die veilingslokaal. Die rand het met 2,9% teenoor die Amerikaanse Dollar versterk en teen R13,63 verhandel.

Die gemiddelde markaanwyser het met 1,8% teruggesak en op R185,00/kg gesluit. Die enigste ligpunt was die sterk grootbokhaar wat 2,0% duurder op R173,17/kg gesluit het terwyl fyn grootbokhaar 3,4% goedkoper op R198,51/kg geëindig het. Pryse van jongbokhaar het met 2,0% gedaal tot R221,11/kg en pryse van kleinbokkiehaar het met 2,6% teruggesak tot R227,83/kg.

Die eerste veiling van die 2017 verkoopseisoen sal op 14 Februarie 2017 plaasvind.

Bron: BKB