As daar ’n oplossing gebied word vir boere om gehalte produkte te koop teen ’n fraksie van die prys, gaan die toue lank staan! Hexagon Industries bied presies die oplossing om veeboere te voorsien met uitstekende en sterk produkte sonder om die bank te breek.

Hexagon Industries is ’n maatskappy wat spesifiek op die boer se belange fokus en maak seker dat daar aan die boer se behoefte voorsien word, deur om betroubare, duursame en gehalte produkte teen ’n bekostigbare prys te bied. Met die innoverende oplossings wat gebruik word, word daaglikse boerdery uitdagings opgelos.

Helgaard Smith deel graag die uitskietprodukte by NAMPO Kaap 2024. Hy noem: “Die maatskappy gebruik herwinde plastiek wat ten volle UV-gestabiliseerd is om veetoerusting mee te maak. Hierdie produkte word self gestruktureer en vervaardig. Die doel is om vir boere die beste op hulle plase te gee.”

Wat maak die produkte so besonders? Dit is sterk, bekostigbaar en dit is roesbestand! Enige staal produk wat buite gebruik word, hou die moontlikheid van roes in. Dit moet dus een of ander tyd vervang word, wat weereens geld gaan vereis. Met Hexagon Industries, betaal jy een keer en dit hou!

Meer oor Hexagon produkte:

• Lamhokstelsels

Of jy nou onder ’n dak wil lam, in die stoor of selfs buite – Hexagon Industries bied verskillende opsies wat by jou behoefte pas. Hul lamhokstelsels help om die vergrootglas op die boer se lamproses te sit, sê Helgaard. Die hekke kan verhoog word tot en met 1,2 m om verskillende rasse kleinvee te akkomodeer.

• Bees- en skaapbaalringe

In tye wanneer hooi skaars en duur is, soos hierdie jaar, bespaar baalringe tot 30% voer. Die baalringe is sterk, roesbestand en verg min onderhoud.

• Laaibanke

Die laaibanke is lig en sterk wat dit lekker maak vir die boer omdat dit ’n een-man-proses is, baie tyd spaar en maklik gelaai word. Hierdie produk kom in 2,4 meter, 3 meter en 4 meter.

Hexagon Industries verskaf ook werkstoerusting:

• Kruiphekke
• Skaapweegkratte
• Sorteerkratte
• Versterkte skaaphekke
• Laaibanke
• Kleinvee drukgange
• Veewerkstokke (beskikbaar in pienk en oranje)
• Horkiesvloere/skeurhokvloere

Besoek die Hexagon webtuiste by https://www.hexagonind.co.za/af/ vir meer inligting.