Sonder water kan ‘n boer nie volhoubaar boer nie. Die vee is dors, die landerye droog en die taak van boerdery onbegonne sonder water. Daarom is dit belangrik om ‘n goeie opgaarplek soos ‘n dam te hê sodat jy altyd aan elke dier en plant genoegsame lafenis kan bied.

Dit weet die mense van Alpha Damme goed. Buiten sinkdamme het hulle ook ander wateroplossings vir boere soos watertenks, gronddam- en sinkdamvoerings, brandbestrydingstenks, asook spilpunte. Hulle sinkdamme word deur hulle vervaardig en opgerig om aan jou die beste diens te gee. Bo en behalwe dit kan hulle ook help met pompe, sonpompe, besproeiing en boorgate.

“Wat ons damme besonder sterk maak is dat dit twee golwinge het wat oorvleul in plaas van die gewone een en ‘n half,” verduidelik Armand Bronkhorst, aandeelhouer van Alpha Damme. “Die dienstydperk van elke dam kan verleng word deur ‘n dak by te sit. Dit gee ons damme ‘n leeftyd van ongeveer 15 jaar waar ander soortgelyke produkte tussen 10 en 12 jaar hou.”

Sinkdamme en -voerings word volgens elke boer se vereiste gebou. “Die uitdaging is om ‘n produk te vervaardig wat die natuur se felheid kan weerstaan,” voeg Johann Swartz, werkswinkelbestuurder. “Vir die boere teen die kus waar vog en sout ‘n algemene probleem is, het ons vlekvryestaalprodukte.”

“Ons topverkoper is die 116 000-liter dam, dit is ‘n 8 by 2,3-m sinkdam. Dit is kostedoeltreffend en bekostigbaar,” sê Johann.

Om ‘n onderneming in die middel van die pandemie te begin, was nie maklik nie. Daar was baie uitdagings, soos die invoer van staal en ander maatskappye wat toe was. Alpha damme het egter deurgedruk en nou staan hulle sterker as tevore.

Alpha Damme voorsien damme aan die hele Afrika en die buurlande.

Om meer uit te vind oor hulle produkte en dienste, besoek hulle webtuiste by https://alphadamme.co.za/.