100% verkope op Doornpan: Vlakte Bonsmara oorbrug uitdagende mark
493562501_1195032505762092_2044335943539431217_n
Topgehalte vroulike diere is tydens Vlakte-groep se 19de produksieveiling aangebied.
Vlakte Bonsmara Studiegroep het op Vrydag 2 Mei 2025 hulle 19de produksieveiling op die plaas Doornpan buite Roedtan aangebied – ’n dag wat gekenmerk is deur ’n puik aanbod, goeie gees en 100% verkope te midde van ’n uitdagende mark.
Met altesaam 363 diere verkoop is en ‘n totale omset van R8 798 000, wys die groep weer hulle verbintenis tot gehalte, deurdagte teling en die opbou van vertroue in hulle kopersnetwerk.
Kobus du Toit, voorsitter van die studiegroep, sê hulle is diep dankbaar oor die uitsonderlike ondersteuning wat ontvang is: “Ons is ongelooflik dankbaar dat ons weer ’n 100% verkoop kon behaal. Dit bly ’n kopersmark, en ons glo dat die veiling ‘n uitstekende geleentheid gebied het vir kopers om topgehalte diere teen regverdige pryse aan te skaf.”
Die duurste bul, Lot 14 van Aldigo Bonsmaras is vir R210 000 aan Gielie en Derick Fick van Fick Agri, Claudiushoop-plaas van Dendron verkoop.
Hoogste pryse en gemiddelde van die dag:
Bulle – 31 verkoop
Gemiddeld: R67 742
Hoogste prys: R210 000
Koper: Claudiushoop Wildsplaas (Dendron)
Verkoper: Aldigo Bonsmaras
Dragtige koeie met kalwers – 61 verkoop
Gemiddeld: R27 295
Hoogste prys: R36 000
Koper: AAG Boerdery (Groblersdal)
Verkoper: Tian Kruger Boerdery
Koeie met kalwers – 45 verkoop
Gemiddeld: R23 000
Hoogste prys: R27 500
Koper: JJ Hartzenberg (Polokwane)
Verkoper: Tian Kruger Boerdery
Dragtige koeie – 65 verkoop
Gemiddeld: R22 854
Hoogste prys: R28 500
Koper: Claudiushoop Wildsplaas (Dendron)
Verkoper: Tian Kruger Boerdery
Dragtige verse – 135 verkoop
Gemiddeld: R16 366
Hoogste prys: R23 000
Koper: Venture Beef & Livestock (Lyttleton)
Verkoper: Leon Riekert & Seuns LFR Bonsmara Stoet
Verse by bul geloop – 2 verkoop
Hoogste en gemiddelde prys: R14 000
Koper: MNP Lekganyane (Benmore)
Verkoper: Frits Kroon Boerdery
Oop verse – 24 verkoop
Gemiddeld: R11 458
Hoogsteprys: R17 000
Koper: Otlakisa Modise Investments (Dinokana)
Verkoper: Bosland Boerdery
Die veiling is professioneel hanteer deur Vleissentraal Bosveld in samewerking met SwiftVee, met Mike Killassy as afslaer.
Jean Gouws van Aldigo Bonsmaras verkoper van Lot 14 saam met koper, Derick Fick van Fick Agri.
Komende veilings van die Vlakte-groep wat gedagboek kan word:
- Jongbeesveiling: 11 Junie 2025
- Bulveiling: 17 Oktober 2025
- Vetveeveiling: 3 Desember 2025
Kobus du Toit, voorsitter van die Vlakte Bonsmara Studiegroep verwelkom en bedank alle kopers, borge en groeplede betrokke.
Die Vlakte Bonsmara Studiegroep se aanhoudende sukses is nie net ‘n bewys van hulle genetiese standaarde nie, maar ook van hulle sterk netwerke en verbintenis tot die vooruitgang van die Bonsmara-bedryf in Suid-Afrika.
Related Posts
