Categories: Artikels, Vee en WildPublished On: 2nd October 2023

Veehantering is kinderspeletjies met Algar

By 3 min read

DSC_0374

Charlotte Esterhuizen en Jan Venter van Algar Veehanteringstoerusting wys hulle vernuftige oplossings by NAMPO Kaap 2023.

Vandag se boere kan arbeid en tyd bespaar en hulle lewe baie makliker en lekkerder maak met die regte veehanteringstoerusting. Algar veehanteringstoerusting is ՚n betroubare maatskappy wat veeboere help om hulle werk maklik en doeltreffend te doen.

Die oranje en grys toerusting is al ՚n ou bekende by NAMPO Kaap vir hulle sterk veehanteringstoerusting wat veilig is vir mens en dier. Hulle sien NAMPO Kaap as ՚n platform om hulle klante beter te leer ken.

Charlotte Esterhuizen van Algar vertel meer oor hulle produkte:

Hulle gewildste produk is die Nek- en lyfklamp, ՚n bate vir elke beesboer.

Algar se gewildste produk: Hulle nek- en lyfklamp.

Die klamp trek vas teen die bees se lyf om dit vas te hou, tot so nou as 300 mm, sodat jy veilig en gemaklik met die dier kan werk. Die Nek- en lyfklamp is beskikbaar in die LD- en HD-reeks. Die LD-reeks is meer bekostigbaar vir boere wat kleiner kuddes hanteer, maar as jy swaarder toerusting soek wat langer hou en ook geskik is vir voerkrale, is die HD die beste opsie.

Die lyfklamp het elf toegangshekke, wat ‘n nooduitgang insluit, so word onbeperkte toegang tot die dier voorsien. Die nekklamp aan die krat werk dieselfde as die ander Algar-nekklampe. Dit is ՚n H-tipe wat beteken dat die deure van bo tot onder die volle wydte van die gang oopmaak. Dit het die voordeel dat groot diere soos bulle en dragtige koeie gemaklik uit die klamp kan beweeg. Die klamp se sluitmeganisme het nie ratte wat moet inhaak nie, wat help want nou kan jy die deure enige plek stop en jy kan gerus wees jou dier sal nie kan beweeg nie, maar ook nie gewurg word nie.

Algar se Hibriede-Skaapkrat.

Die Hibriede Skaapkrat het baie funksies soos om te weeg, aftas, vasklamp, en ook klas en uitkeer. Die boer kan stel hoe groot die klamp moet wees en kan dan lekker werk met sy dier.

“Jy kan ook die krat omdraai as jy wil en dan gebruik as ՚n drierigtingklashok,” sê Charlotte.

՚n Handige produk wat Algar vervaardig is die skaap kantelaar. Dit is sy gewig in goud werd!

Algar se skaapkantelaar werk vir sowel skape as bokke om hulle maklik te hanteer en aan min spanning bloot te stel. Die kantelaar maak aan albei kante oop, die dier kom dan in, word vasgeknyp en word heeltemal omgedop. Slegs een persoon word benodig om met die kantelaar te werk en die dier hoef nie op ՚n presiese plek te staan nie – daar waar jy hom vasknyp, daar kan hy omdop. Dit maak dit makliker om skape se kloue te knip, te mikskeer, of om dragtigheidondersoeke te doen.

As die boer klaar is, word die skaap teruggedraai en op sy pote neergesit sodat hy rustig en kalm aan die ander kant van die kantelaar af en by die hekkie uit kan stap.

Algar se Jaylor selfaangedrewe voermenger.

Algar se Jaylor selfaangedrewe voermenger is ideaal vir intensiewe en opkomende boere, aangesien jy nie ‘n bykomende trekker benodig om hom aan te dryf nie. Die hidrouliese awegaar word aangedryf met ՚n algemene 16 perdekrag Honda-petrolenjin. Die menger kan in sy spore rondomtalie en gemaklik in klein ruimtes beweeg om diere kos te gee waar hulle ook al is. Die eenheid kan tussen 500 kg en 1 000 kg meng, afhangende van die materiaal wat gemeng word. Die hoekige vorm van die awegaar in die drom sorg vir vinnige, deeglike vermenging. en optimale kerwing. Die menger het ՚n maklike en eenvoudige uitlaat, wat met die hand gereguleer, oop- en toegemaak word.

Vir meer inligting oor die beste veetoerusting, kontak Charlotte by 082-324-6256, stuur ՚n e-pos na algar@algar.co.za, of besoek hulle webblad by: www.algar.co.za.

 

0
0

Deel hierdie artikel.

Leave A Comment

0
0