Categories: Gewasproduksie, NuusPublished On: 27th September 2019

Pioneer Weeg en Wen: Boere presteer ondanks die droogte

By 6 min read

pioneer 1

Die Pioneer Weeg en Wen-wenspan van 2019 skitter van trots met hulle toekennings in die hand en ‘n goeie oes agter die rug.

“Dit was ’n oorlêland,” sê HF Cilliers van Douglas in die Noord-Kaap. HF het met sy eerste deelname aan die Pioneer Weeg en Wen-kompetisie die strooptelling die hoogste laat spring. Hy het ’n opbrengs van 20,871 ton per hektaar vir mielies onder besproeiing behaal op die twee hektaar wat vir die wedstryd ingeskryf is. HF het ’n kultivar van Monsanto, DKC 65-60BR, geplant.

Hy glo die uitmuntende opbrengs kan toegeskryf word daaraan dat die grond kans gehad het om te rus nadat dit met aartappels beplant was. Hy het ook hawer as groenbemesting gebruik.

HF skryf elke jaar vir die plaaslike skool se kompetisie in en het toe besluit om ook in die nasionale kompetisie te kyk of Douglas se mielies kan uittroon bo die res. Hy sê die land het ’n bietjie meer liefde en kunsmis gekry as die res, maar hy glo die hoofrede vir die goeie opbrengs was die feit dat dit ’n oorlêland was, saam met die groenbemesting.

Goeie water en goeie filtrasie is die ander deel van die wenresep. Dit was ook vir hom ’n toets om te sien watter verskil die groenbemesting maak en hy sal die praktyk waarskynlik in die toekoms uitbrei. Die res van die plaas het 17 ton gemiddeld gelewer. Christo Cronjé van Vrede was ’n kortkoppie agter HF met 19,632 t/ha met sy PANNAR-kultivar, PAN 3R-724BR.

’n Hele aantal boere het onttrek as gevolg van die droogte wat hulle oeste geknou het, maar selfs in die weste is daar merkwaardige opbrengste op droëland behaal.

So lyk die wenoes van HF Cilliers.

Wes-streek droëland: Danie le Roux van Schweizer-Reneke het 11,154 t/ha gestroop, in dieselfde omgewing het Jozeph du Plessis 10,481 t/ha geoes en Casper Botha van Ventersdorp het 9,866 t/ha behaal.

Oos-streek droëland: Jannie Schoeman van Middelburg het met ’n aanplanting van PAN 4R-511R ’n allemintige 14,731 ton gestroop. Jannie sê: “Ons plant graag PANNAR en Pioneer, “Ons het op die regte tyd en die regte plekke die regte reën gekry,” vertel Jannie. Hy glo dit is goed om in te skryf vir wedstryde soos die oeskompetisie, want dit dwing jou om doelwitte te stel en daarop te fokus. Ook in die Middelburg-gebied het Gareth Allen 13,929 t/ha en Rudolph Schoeman 12,868 t/ha gestroop, albei met Pioneer-saad.

Ander droëlandstreke: In die Sentraal- streek het Barry van Wyk van Fochville gewen met 7,990 t/ha, in Kwazulu-Natal het Josh Butt van Kamberg met ’n opbrengs van 16,266 t/ha amper aan die besproeiingsmanne se opbrengs geraak, in die Oos-Vrystaat het Hendrik Fourie van Bethlehem 11,426 t/h behaal en in die watertafelstreek by Viljoenskroon het Stephen Kruger 7,565 t/ha gestroop van die kultivar P2865WBR.

Stephen sê hy plant Pioneer op groot skaal en hy is baie in sy noppies met die tegnologie wat in die saad opgesluit is. Dit is nie altyd maklik om die unieke grondstruktuur te bestuur nie en die laaste ding waaroor jy bekommerd wil wees is die saad wat jy gebruik. Met ’n vaste kleilaag wat tussen 800 tot want hulle presteer deurgaans goed en ons is baie tevrede met die diens en ondersteuning wat ons kry.”

Die twee hektaar wat ingeskryf is het geen spesiale aandag geniet nie; die opbrengs is ’n weerspieëling van die normale oes. 1 200 mm onder die grond lê, moet daar voortdurend gewaak word teen verdigting en noukeurige bemestingsbestuur is noodsaaklik.

In die sonneblom-afdeling was Gerrit Knoetze van Wolmaransstad die wenner met 4,014 t/ha. Andrew Poortier van Marble Hall het die tweede en derde plek verower met opbrengste van onderskeidelik 2,879 en 2,008 t/ha.

Die toekennings vir die wenners van die Pioneer Weeg en Wen-kompetisie
is tydens ’n spoggeleentheid op Muldersdrift uitgedeel.

Gerrit sê die spesifieke blok sonneblomme het goed presteer, want die grond het meer woema gehad omdat dit ’n oorlêland was. Hy het sy normale bewerking- en bemestingsprogram gevolg, behalwe dat alles net baie laat geplant is as gevolg van die laat reën. Hulle het nog tot 18 Januarie mielies geplant en eers in Februarie met sonneblom begin. Nou is hy spyt dat hulle nie maar meer sonneblom geplant het nie, want die reën het uiteindelik op die regte tyd vir die sonneblom gekom.

Die gemiddelde opbrengs in die droëlandsoja-afdeling was onder groot druk as gevolg van die droogte. Die wenner in die Oos-streek was Jacques Rossouw van Nigel met 4,907 t/ha. Jacques het ’n Brasiliaanse Santa Rosa-kultivar, RA4650 RR, geplant en sê hy het verseker nie die twee hektaar wat ingeskryf is spesiale aandag gegee nie, want in ander dele van die land het hy tot 6 ton gestroop!

Met ’n plaasgemiddeld van 4,3 ton is dit die grootste oes wat hulle nog behaal het en nou wag hulle net vir die prys om die regte vlak te bereik. Barry van Wyk het met sy sojaboonoes van 4,099 t/ha in die Sentraal-streek gewen, Danie le Roux van Schweizer-Reneke het in die Wes-streek met 4,464 t/ha gewen en in Kwazulu-Natal het Cobus Botha van Winterton 4,355 t/ha gestroop.

Cobus was ook in die afdeling vir soja onder besproeiing eerste met ’n oes van 5,540 t/ha met die kultivar DM 5953 RSF. Cobus sê dit was ’n moeilike seisoen, maar die sojaboonkultivars wat hy plant is taai! Hy is ’n saadprodusent vir Pioneer en sê daar was ongelooflike vooruitgang in saadtegnologie oor die afgelope tien jaar.

Daar lê egter nog ’n bietjie werk voor vir Suid-Afrikaanse boere om by die wêreldrekordoes van 12,7 t/ha wat pas deur Randy Dowdy van Amerika behaal is, uit te kom. Christo Cronjé was tweede met 5,413 t/ha en Sarel Haasbroek van Carletonville derde met 4,301 t/ha.

Graan SA het by die geleentheid aangekondig dat die Nasionale Opbrengskompetisie vir graan van volgende jaar af onder hulle vaandel gaan plaasvind. Die gedagte is dat die verskillende saadmaatskappye hulle eie wedstryde sal hou waaruit die wenners dan nasionaal sal meeding.

Dr Dirk Strydom, bestuurder, Graanekonomie en Bemarking, sê Graan SA is tans in gesprek met al die saadmaatskappye vir die opstelling van ’n standaard protokol vir eenvormige beoordeling. Hy het ook aangekondig dat Pioneer, ondersteun deur Corteva, die hoofborg van die nuwe wedstryd sal wees.

Tony Esmeraldo van Corteva Agrisciences aan die woord.
Dr Dirk Strydom van Graan SA het aangekondig dat ‘n nuwe Nasionale Opbrengskompetisie van volgende jaar af onder die vaandel van Graan SA gaan plaasvind.

Graan SA sê: “Die belangrikheid van kompetisies soos dié kan nie onderskat word nie, aangesien dit produsente juis die geleentheid bied om meer te wete te kom en by mede-produsente te leer.  Verder bied die kompetisie ’n platform aan graanprodusente om nuwe tegnologie, produksiepraktyke en idees uit te toets met die oog daarop om opbrengste te maksimaliseer.”

Die sakedirekteur van Pioneer se oorhoofse maatskappy, Corteva Agriscience SA, Tony Esmeraldo, het die aandag op twee van Corteva se kernwaardes gevestig, naamlik:

• Wees nuuskierig en hou nooit op om nuut te dink nie; en

• Bou saam; jy kan nie meer op jou eie voortgaan nie, vennootskappe is belangrik. Dit is waarom Corteva onder meer met John Deere in vennootskap getree het. Boere kan deur die samewerking die voordeel van die beste nuwe tegnologie geniet.

Vir meer inligting oor Pioneer se wensaad, kontak jou naaste Pioneer-verteenwoordiger by 012-683-5721 of e-pos na info.rsa@pioneer.com

Jacques Rossouw van Nigel tussen
sy spogsojabone wat ’n wenoes van
4,9 t/ha opgelewer het.
0
0

Deel hierdie artikel.

Leave A Comment

0
0