Categories: Grondbewerking, MeganisasiePublished On: 10th July 2024

LEMKEN verseker jou saadbed is reg vir planttyd

By 2 min read

DSC_0652

Die LEMKEN Rubin 10 in aksie by Val Boeredag.

Die blou werkreuse van LEMKEN het boere weereens beïndruk by die jaarlikse Val Boeredag-demonstrasies. LEMKEN het die Karat 12-, Rubin 12- en Rubin 10-grondbewerkings toerusting gedemonstreer.

Wessel Vosloo, LEMKEN Suid-Afrika verkoopsverteenwoordiger vir die noord-oostelike streek van Suid-Afrika.

Wessel Vosloo van LEMKEN Suid-Afrika is die verkoopsverteenwoordiger vir die noord-oostelike streek van Suid-Afrika. Hy het met ‘n demonstrasie van die Rubin 10 verduidelik wat hulle werktuie so effektief maak.

Die Rubin 10, 6 m is toegerus met ‘n 645 mm Duramax-skottel en kan tot op ‘n werksdiepte van 150 mm werk. Die Duramax-skottel het ‘n 30% langer leeftyd teenoor LEMKEN se dural skottel. Die simetriese skotteluitleg verseker geen sywaartse beweging gedurende werking.

‘n Veerstelsel wat 280 kg druk na elke skottel oorplaas is aan die raam vasgeheg.

Die Rubin 10 se wegbreek-aksie van 280 kg druk, verseker dat daar geen skottel-sywaartse beweging tydens werking plaasvind. Die wegbreek-aksie verseker ’n totale sny-oppervlak op 70 mm diep. Elke skottel funksioneer op sy eie en kan gemaklik oor enige voorwerpe beweeg.

Tydens werking word die plant materiaal en grond intensief gesny en vermeng. Die harkies tussen die skottels beheer die materiaal vloei en dwing dit vinnig afwaarts dat die tweede ry skottels dit weereens sny en vermeng.

Harkies agter die eerste ry skottels forseer materiaal afwaarts sodat dit deur die tweede ry skottels gesny kan word.

Die Rubin is opsioneel toegerus met ’n gemaklike harkie verstelling en gelykmaakbalk agter die tweede ry skottels. Dit verseker ’n ferm, egalige saadbed nadat die roller daaroor beweeg.

LEMKEN se werktuie het verskeie roller-opsies. Die Rubin 10 by Val Boeredag was toegerus met ’n dubbel pyp roller, 540/400. Die roller kan afsonderlik beweeg en kan gemaklik ongelyke grond omstandighede volg. Die roller se spiraalvorm ontwerp verseker ’n egalige en ferm saadbed.

Die dubbelroller se spirale loop in teenoorgestelde rigtings en verseker ‘n egalige en ferm saadbed.

“Dit help om die saadbed ferm te maak sodat al die sade teen planttyd ewe diep in die grond geplaas kan word en gelyk kan opkom,” verduidelik hy.

Die skotteleg kom in verskeie groottes. Driepunt modelle is beskikbaar in 3, 3,5 en 4 m en sleep-modelle is beskikbaar in 4, 5, 6 en 7 m, asook nou in 10 m.

Om meer te leer oor die verskeie grondbewerkingsoplossings wat LEMKEN bied, besoek gerus hulle webtuiste www.lemken.com of kontak vir Karel Munnik by (+27)82-412-2577  k.munnik@lemken.com; Blackie Swart (+27)82-404-9651  b.swart@ lemken.com Wessel Vosloo (+27)66-280-6564  w.vosloo@lemken.com; Gerrit Janse Van Rensburg(+27)82-528-7881 g.vanrensburg@lemken.com.

0

Deel hierdie artikel.

Leave A Comment

0