Daar is steeds ‘n algemene daling in die damme se vlakke teenoor verlede jaar.

Volgens die Departement van Waterwese was die Vanderkloofdam verlede jaar die tyd 90,3% vol, laasweek 60,3% en op die laaste dag van Februarie was hy maar 58,5% vol. Die Katsedam was verlede jaar 87,9% vol teenoor verlede week se 63,5% en nou staan die vlak op 63,8%. Die Gariepdam, wat die grootste dam in Suid-Afrika is, was verlede jaar 90,4% vol, laasweek 51,0% en die laaste dag  van Februarie 53,9%. Die Katse- en Gariepdam  het ‘n geringe verbetering van verlede week af getoon.

Die Vaaldam was verlede jaar hierdie tyd 80,9% vol, verlede week was hy 50,2% vol en op die laaste dag van Februarie was hy 49,7% vol.  Die Bloemhofdam staan nou op ‘n skokkende 16,2 % teenoor verlede week se 17,2 en 2015 se 69,0%. Die Hazelmere daal ook steeds en trek nou op 33,9% teenoor verlede week se 34,1%. 

Bron: Departement van Waterwese