Hoewel voëls mooi is om na te kyk, beskou boere hulle gewoonlik nie as gunstige besoekers nie. Hulle smul aan plantsade wat pas in die grond gesit is of vergryp hulself aan vrugte en groente wat vir verbruikers bedoel is. Hulle vertrap plante, breek stingels, stroop blare af en veroorsaak ekonomiese verliese, om nie eens te praat van die skade wat hulle aan sonpanele kan aanrig nie.

Wanneer boere nie van hulle ontslae kan raak nie, veroorsaak dit geweldige frustrasie. Niks lyk of dit werk nie … gif is skadelik vir die omgewing en kan ander diere doodmaak wat met die voëls in aanraking kom, terwyl die meeste voëlbeheerstrategieë onmenslik is.

Maar daar is ’n oplossing. Danksy Eagle Eye Bird Solutions word jou gewasse en sonpanele beskerm.

Eagle Eye Bird Control is in 2007 deur die entrepreneur John Kotze gestig. Hy wou ’n produk ontwikkel wat onskadelik is vir voëls, maar hulle steeds van gewasse afskrik.

Verskeie studies het bevind dat voëls se sig uiters kompleks en sensitief is, en gebaseer op hierdie kennis het Eagle Eye se reflektiewe toestelle die lig gesien. Hierdie toestelle teiken die voëls se visuele sintuie en ontmoedig hulle om te vlieg en te land waar die toestelle geplaas word.

Eagle Eye-stelsels word gebruik om dagvoëls van ongewenste gebiede af te skrik, dit sluit in:

• Dakke
• Plase
• Lughawens
• Oop terrasse
• Sonpaneel-installasies
• Waterbehandelingsaanlegte
• Hawens
• Bootmeerfasiliteite
• Oop parkeerstrukture
• Advertensieborde
• Buite-eetplekke
• Strande en meer

Hoe werk dit?

Die Eagle Eye-stelsel is ’n kombinasie van verskeie roterende reflektiewe produkte wat flitse uitstraal om naderende voëls af te skrik.

Hierdie flitse hou voëls op twee maniere weg:

• Die skielike flitse skrik en disoriënteer voëls tydens vlug, wat verhoed dat hulle in die gebied land.
• Sekere kleurspektrums word in kombinasie met hierdie flitse gebruik. Voëls assosieer sommige kleure met kos en gewasse, terwyl ander met gevaar gekoppel word, soos die olierige glans op die vere van roofvoëls. Hierdie “gevaarlike” kleure word in die reflektors van die roterende produkte geïnkorporeer.

Die toestelle is piramidevormig en ontwerp met skuins panele om sonlig van die weerkaatsende oppervlaktes af te weerkaats, wat flitse teen verskillende hoeke skep.

Hoewel hierdie toestelle die meeste voëls afskrik, kan jy steeds hardnekkige voëls teëkom. Met Eagle Eye se afskrikstelsel kan jy egter die aantal plae wat in een ruimte versamel, aansienlik verminder.

Die bykomende voordeel van hierdie stelsels is dat dit slegs ’n fraksie kos van wat dit ’n men suit die sak sou jaag om ’n hele gebou voëlbestand te maak. Eagle Eye het bevind dat hul weerkaatsende produkte ses tot sewe uit 10 dagvoëls afskrik wanneer dit korrek geplaas word. Die beste tyd om hierdie weerkaatsers vir landbougebruik te installeer, is vier tot vyf weke voor oestyd, want sodra voëls voedselbronne ontdek, sal hulle aanhou terugkeer.

Om heeltemal van voëls ontslae te raak

Eagle Eye spesialiseer in voëlbeheer. Terwyl hul weerkaatsers ’n sukseskoers van 60 tot 70% het, bied hulle ook voëlnette en voëlspykers wat ’n 100% voëlvrye gebou waarborg.

Eagle Eye beveel aan dat hul weerkaatsende stelsels in kombinasie met ander fisieke afskrikmetodes gebruik word, dit help om koste laag te hou terwyl dit ook die beste waarde vir geld lewer.

Dit beteken die installering van voëlbestande produkte by nes- en slaapplekke, terwyl weerkaatsende toestelle strategies geplaas word om dagvoëls af te skrik en te verhoed dat nuwes jou gebou as potensiële nesplekke verken.

Drie weerkaatsende modelle

Eagle Eye se weerkaatsende toestelle is in drie modelle beskikbaar: ’n gemotoriseerde sonkrag-aangedrewe model, ’n gemotoriseerde krag-aangedrewe model en ’n wind-aangedrewe model.

Hierdie toestelle het ’n weerkaatsende radius van tot 30 m en word in groot gebiede gebruik om naderende voëls af te skrik. Hulle is beskikbaar in silwer- en goud-opsies vir landvoëls, en rooi vir seevoëls.

Leer meer oor die voël-afskrikprodukte waarmee Eagle Eye Bird Control jou kan help deur hul webwerf te besoek by www.eagleeye.co.za