Hino Limpopo het onder die leierskap van Deon Viljoen 174% van sy verkoopsdoelwitte bereik. Dit beteken ‘n markaandeel van meer as dubbeld die nasionale gemiddeld. 

 

Dr Casper Kruger, adjunk-president van Hino SA sê dit gaan nie net oor verkope nie. Hino Limpopo se werkswinkel in Pietersburg spog met goeie beskikbaarheid van onderdele en goeie “eerste-keer-reg”-diens. Hino Limpopo is ook in 2004 en 2008 as die beste handelaar aangewys.

 

Die beste klein Hino handelaar in Suid-Afrika vir 2010, was Hino Nelspruit. Die handelaar het R70 miljoen in ‘n nuwe Hino- en Toyota-sentrum belê en sy verkope met 210% opgestoot. Onder leiding van Brian Shrosbree het Hino Nelspruit ook goed gevaar met betrekking tot dienslewering.