Land Rover Suid-Afrika het in samewerking met Axeon, ‘n Europese maatskappy, ‘n nuwe battery-aangedrewe wildbesigtigingsvoertuig ontwerp. 

 

Die nuwe elektriese Land Rover Defender met permanente vierwielaandrywing, is van ‘n 300-volt, 27 kW/uur litium-ioon batterypak voorsien. Die lugverkoelde motor lewer 59 kW krag met ‘n regenererings vermoë van 10%. ‘n Indrukwekkende 330 Nm wringkrag is dadelik beskikbaar. 

 

Die Devender sal teen 60 km per uur, sowat 80 km ver kan ry, met ‘n bykomende 20 km in reserwe. Dit beteken ‘n agt uur lange wildrit. In die praktyk duur die gemiddelde wildkyk uitstappie egter slegs ‘n derde solank.

 

Die battery-Devender laat geen gasse in die atmosfeer los nie en loop amper geluidloos, wat dit moontlik sal maak om veel nader aan sku soorte wild te kom as met ‘n dreunende dieselenjin.

 

Die battery word herlaai deur middel van ‘n gewone enkelfase kragpunt. ‘n Sonkrag herlaai-eenheid is egter ook ‘n opsie, wat die voertuig geheel en al uitlaatgasvry sal maak.

 

Die voertuig is aan strawwe toetse by die Gerotek-voertuigtoetssentrum onderwerp en het, volgens Land Rover, daar besonder goed gevaar.

 

Spesifikasies: