Categories: NewsPublished On: 10th January 2011

Boere-word-beroof:-Die-roofdierkrisis

By 1 min read
Foto: Regina Harmse

Voor die einde van Januarie moet daar ‘n oplossing vir die roofdierkrisis in die Wes-Kaap op die tafel wees. Dit is die opdrag van mnr Gerrit van Rensburg, die provinsiale minister van landbou en landelike ontwikkeling aan landbou- en owerheidsorganisasies.

Boere, wat onder andere deur Agri Wes-Kaap, die Rooivleisprodusente-organisasie en die Nasionale Wolkwekersvereniging verteenwoordig word, is van verlede jaar af in ‘n stryd met die provinsiale omgewingsowerheid, CapeNature, gewikkel oor die permitstelsel wat die jag van roofdiere reguleer. 

Die boere wil hê dat rooijakkalse onmiddellik tot plaag of pes verklaar word en dat oorhoofse permitte uitgereik word sodat die roofdiere op ‘n verskeidenheid maniere gejag kan word, soos uit helikopters of met die roep-en-skietmetode.
Wouter Kriel van die Wes-Kaapse departement van landbou, sê dit is nie net die kleinveeboere wat met die probleem worstel nie. Selfs wild- en volstruisboere loop deesdae deur. ‘n Sebravulletjie ter waarde van R7 000 is onlangs doodgebyt.
Een jakkals kan tot 20 skaaplammers per maand doodmaak. Dit gaan nie net oor die regstreekse skade nie. Boere se teelprogramme ly ook daaronder, want die jakkalse byt voor die voet dood. Die langtermyngevolge is dus onberekenbaar. 
Daar word geraam dat roofdiere meer as R1,4miljard se skade jaarliks aanrig. 

Deel hierdie artikel.

Leave A Comment